新城市廣場聖誕9大必影打卡點 戶外浪漫聖誕燈飾｜大抽獎｜首度聯乘精品換領｜聖誕老人見面會
今年你有咩聖誕願望？不如向象徵生命泉源和希望嘅水滴精靈許願吧！曾與國際品牌Hermès、Bulgari和Apple合作嘅英國超現實派插畫家Edward Monaghan，破天荒跨界走入商場，首度為新城市廣場設計帶有英倫式浪漫和歡樂氛圍嘅《水滴精靈夢幻聖誕小鎮》。除咗精心設計9大必影打卡區，仲有水滴精靈精品、大抽獎及聖誕老人見面活動，除夕更有倒數派對。即刻為大家逐一介紹！
9大打卡位逐個睇
水滴精靈散落喺《水滴精靈夢幻聖誕小鎮》不同區域，準備將源源不絕嘅祝福送畀大家。於1期3樓中庭「夢幻精靈嘉年華」，遠遠就可以見到已經換上聖誕裝扮嘅可愛水滴精靈坐陣喺5米高聖誕樹上等緊大家，又喺幻鏡迷宮郵局跟大家Selfie；夜晚嘅景色同樣美不勝收，喺3樓戶外平台嘅「水舞花鈴許願亭」，大家可以圍繞水滴精靈翩翩起舞，而地下嘅互動光影更會隨住大家嘅舞步而變色。7樓星光花園亦變成浪漫非常嘅「聖誕流光後花園」，以逾萬顆璀璨燈飾點亮嘅聖誕裝置既夢幻又唯美；喺幻光聖誕樹林和飄雪流水光影中，讓情侶們感受浪漫滿瀉嘅聖誕氣氛。
「超現實水滴聖誕樹」：長有一雙翅膀、戴上聖誕帽嘅巨型水滴精靈坐陣於5米高，顛覆線條、幾何及顏色嘅聖誕樹中央，瞬間帶你進入夢幻世界！旁邊更有「水滴之源Jacuzzi」及「甘霖水滴步道」，打卡之餘更可穿梭於水滴精靈的奇妙國度。
「即影即Share水滴郵局」：童話風滿分嘅鏡屋迷宮兼即影即Share郵局，讓你將聖誕祝福傳送予身邊摯愛。
「巨型流光水滴精靈」：位於7樓星光花園中央，背後一排流光歐陸小屋，配以雪花飄舞及絢麗煙火投影燈效，絕對係情侶必影嘅夢幻仙境。
「星雨聖誕樹林」：12棵閃爍如星嘅鎏金聖誕樹，玫瑰金、香檳金和銅金色3種溫暖色調更顯浪漫醉人。
「鎏金水滴國度」：Edward Monaghan特別以鎏金圓弧線條模擬噴泉嘅絢美與夢幻，加上波光瀲灩之投影，為冬日晚上添上浪漫嘅氛圍。
「水舞花鈴許願亭」：地上嘅互動光影會隨著許願者嘅舞步變幻色彩，送上實現聖誕願望嘅希望力量。
The Point 會員慿500積分及於新城市廣場3期商戶消費即可參加「水滴精靈Happy Toss互動遊戲」，贏取驚喜聖誕禮品。
Play Park限定活動 發揮創意小宇宙
喺全方位綜合親子娛樂體驗樓層「Play Park」入面設有2棵許願樹，可以畀小朋友發揮創意及想像，把可愛嘅水滴精靈角色添上色彩，並親手掛上樹上許下聖誕及新年願望。此外，12月16-17及24-26日亦安排了「聖誕老人見面會」，只要追蹤新城市廣場社交媒體平台，即可與聖誕老人來個擁抱與合照。
聖誕老人會喺12月16-17及24-26日同大家見面，只要追蹤新城市廣場社交媒體平台即可合照。
佳節好賞大抽獎 有機會贏走價值超過$40萬電動車
想將水滴精靈帶返屋企？The Point會員憑1,000積分及以電子貨幣消費滿$1,500，即可換領水滴精靈手挽袋，將祝福一併帶走。另外，新城市廣場亦聯同Home Square為大家預備咗「佳節好賞大抽獎」，只需在活動期間於新城市廣場或HomeSquare消費每滿$500，或於新城市廣場Play Park以電子貨幣即日單一消費每滿$300即可於The Point手機應用程式內，或到新城市廣場／HomeSquare會員專櫃登記參加抽獎，消費愈多中獎機會愈大。頭獎係價值逾$40萬嘅MINI Electric Mayfield Edition電動車，其他豐富獎品仲有Samsung Galaxy Book3手提電腦、任天堂Switch等。打完卡、記得買埋聖誕禮物去抽獎啦！
The Point會員憑積分及電子消費即可換領水滴精靈手挽袋。
「佳節好賞大抽獎」嘅頭獎係價值超過$40萬嘅MINI Electric Mayfield Edition電動車。
新城市廣場《水滴精靈夢幻聖誕小鎮》
日期：即日至2024年1月1日
開放時間：12nn – 10pm
開放地點：新城市廣場1期3樓中庭、7樓星光花園、3樓戶外平台
水滴精靈Happy Toss互動遊戲
日期：即日至2024年1月1日
時間：12nn – 8pm
地點：新城市廣場3期2樓
參加方法：The Point 會員憑500積分及於商場3期商戶任何消費
Play Park 水滴精靈 許願樹
日期：12月8日至2024年1月1日
時間：12nn – 8pm
地點：新城市廣場1期UB Play Park
參加方法：追蹤新城市廣場社交平台即可參加，為精靈添上色彩，並掛上許願樹。
佳節好賞大抽獎
日期：12月8日至2024年1月7日
地點：新城市廣場1期4樓或3期1樓顧客服務中心／HomeSquare 1樓顧客服務中心
參加方法：於新城市廣場或HomeSquare以電子貨幣即日單一消費每滿$500，或於新城市廣場Play Park以電子貨幣即日單一消費每滿$300，並將商戶發出之商戶機印發票及相符之電子貨幣付款存根正本上載至The Point手機應用程式內或親臨新城市廣場／HomeSquare會員專櫃，完成並成功登記積分，即可於The Point 手機應用程式內登記參加抽獎。
水滴精靈手挽袋換領
日期：12月9日起
時間：10am – 10pm
換領地點：新城市廣場1期4樓及3期1樓顧客服務中心
參加方法：The Point 會員憑1000積分及以電子貨幣消費滿$1,500即可換領
聖誕老人見面會
日期：12月16-17及24-26日
時間：2pm – 5pm
地點：新城市廣場1期UB／LB Play Park 及3期3樓
參加方法：追蹤新城市廣場社交平台，即可與聖誕老人來個擁抱與合照
資料由新城市廣場提供
-
珠海攻略
樂士文化區
中國/🌻珠海親子週末2日遊｜樂士文化區&向日葵主題公園
第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨👩👧👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處
閱讀更多
-
珠海攻略
超好玩！珠海室內運動潮玩天堂🤩
趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡ 呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡ 地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼 ｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊
閱讀更多
-
節日限定
西九咖啡節2026 COFFEE HONG KONG@WestK
復活節必去!西九限定咖啡☕️嘉年華!
只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有 國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}
閱讀更多
港生活人氣好去處
【全民投票】 「我的Chill賞假期」填色比賽🎨！
即睇所有作品！投票選出「最高人氣獎」得主😍！
↓【狂賞著數祭🎁】十一悦山茶花精萃EGT抗醣養顏丸 ↓
↓ 對抗老化現象｜逆齡抗醣美白 ↓
搵好去處