香港彩色打卡景點︱6大多巴胺繽紛打卡秘境 港版彩虹眷村/南法糖果色小鎮/夢幻彩虹階梯

Joeymama & Gummybear

香港攻略

馬灣1868臨海度假屋

馬灣1868 半日遊推介！👨‍👩‍👧‍👦

26 April 2026 🌱16m9d 📍馬灣 1868 景點 有咩玩? 趁天氣冇咁熱去郊遊最好不過 一路都好想去呢個地方打下卡 今次同Group媽媽帶埋🐻 Ari 桃桃去馬灣 1868 半日遊行程幫大家準備好喇🌱 1️⃣ Café ☕️:今次我哋去咗Knock Knock,同 BB 喺度坐吓影吓相,超 Chill｡ 2️⃣ 文創小店 🎨:入面好多精緻工藝品,空間感十足,感受吓文化氣息｡ 3️⃣ 藝術壁畫牆 🖼️:超多壁畫,牆上畫滿馬灣舊村特色,顏色繽紛,最啱幫 BB 影 OOTD｡ 4️⃣ 海邊打卡位 🌉:可以近距離飽覽青馬大橋景,海風吹埋嚟好舒服｡ ✨ Mummy後記: 全島都好闊落,推 BB 車完全冇問題,係一個好有質感嘅親子好去處! ｢大家鍾意帶 BB 去離島定市區多啲?🌴 留言 『1868』 我話你知詳細交通攻略!👇｣ 👗今日穿搭: 海藍色Leggings + 白色刺繡上衣(全部都有代購喔 @oneday.goodies 🛍️) #馬灣1868#馬灣好去處#親子一日遊#香港好去處

U Lifestyle

香港攻略

【打卡好去處2026】香港7個網紅打卡景點📸港版小京都/退役列車/怪獸大廈                                    

成日都見外國人影出嚟嘅香港街道咁有特色，搞到小編都好想影埋一份！其實唔一定要搭飛機出國先影到靚相，香港都有好多有特色嘅建築物及隱世打卡秘境等您發掘！今日小編就精選出社群U Creator推介7個香港人同外國人都讚好嘅打卡熱點，一於save低放假去打卡影靚相！📸 ----------------- 【🧧最新社群活動】快閃送蛋糕100個+家居必備Hizero手提式全方位清潔機！ 召集所有甜品控，免費食蛋糕嘅機會嚟啦！即日起至2月11日，簡單登記即有機會收到蛋糕，為生活加一點甜❤️👉🏻 我想免費食蛋糕 農曆新年就到，一諗起要大掃除就頭痛！社群今次送您家居必備Hizero手提式全方位清潔機～即日起至2026年2月15日，簡單登記即有機會免費帶佢返屋企啦！👉🏻 贏走免費清潔神隊友 ----------------- 港島區打卡好去處 1️⃣ 「海濱站」 香港有個地鐵站，一出去就係維港海邊！講緊就係近年對外開放嘅灣仔海濱長廊內嘅「海濱站」。港鐵將兩節已經退役嘅「烏蠅頭」列車翻新並開放公眾參觀打卡！佈置有如一個真正運作中嘅地鐵站，一節車廂保留原貌，展示區都設有多功能室、觀景台､休憩空間等等，絕對係假日打卡放鬆嘅好去處！ 📍地址：灣仔鴻興道3號 🚆交通方式：灣仔會展站A2出口步行約5分鐘 > “圓碌碌 Circle” 分享灣仔海濱站特色打卡位< ----------------- 2️⃣ 藝里坊壁畫村 西營盤有個好出名嘅藝術熱點「藝里坊」，吸引到唔少文青前來打卡！特別係裡面嘅壁畫街雲集咗9位本地同國際藝術家設計嘅大型壁畫，令該區成為充滿藝術氣息濃厚又輕鬆慢活嘅區域。每幅壁畫都有唔同主題同魅力，無論係去影相打卡，或者認真觀賞都充滿驚喜！ 📍地址：西營盤西忠正街8號奇靈里石棧里藝里坊 🚆交通方式：西營盤站B3出口步行1-2分鐘 > “積仔記-吃喝玩樂旅遊達人” 帶您打卡西營盤人氣壁畫街< ----------------- 3️⃣ 鰂魚涌怪獸大廈 如果要用一個景點形容香港嘅建築物，位於鰂魚涌嘅「怪獸大廈」可能係其中一個貼切嘅形象！佢由海景樓、福昌樓、海山樓、益昌大廈及益發大廈5座舊樓相連而成，因為樓同樓之間密集嘅程度有如被怪獸吞噬一樣，所以被稱為「怪獸大廈」，就連電影《變形金剛4》都有去取景過。不過拍攝嘅時候記得注意聲量，唔好影響當地居民啊！ 📍地址：鰂魚涌英皇道1032-1056號 🚆交通方式：鰂魚涌A出口步行5-10分鐘 > “hohoyan” 分享怪獸大廈最佳拍攝機位< ----------------- 4️⃣ 石塘咀山道 石塘咀山道係電影《胭脂扣》嘅重要拍攝場地，而且都係近年深受遊客同本地人歡迎嘅熱門打卡景點！因為附近保留咗特色舊樓、天橋同斜路，傍晚時分嘅晚霞將成條街道染成橙色，輕鬆影出有如「日落飛車」一樣嘅絕美景色！ 📍地址：西環石塘咀山道 🚆交通方式：香港大學站B1出口 —---------------- 九龍區打卡好去處 5️⃣ 志蓮淨苑 位於鑽石山一帶嘅志蓮淨苑係90年代其中一個重建項目，重建後成為一個唐代風格嘅廟宇。環境清幽，又被稱為「港版小京都」，亦係近年其中一個拍拖打卡勝地。隔離嘅南蓮園池同樣充滿唐代風格，帶有中式古典園林嘅雅緻，酷似京都金閣寺！世外桃源嘅山水景色都成為咗唔少港人消遣打卡嘅重要景點！ 📍地址：上元嶺志蓮道5號志蓮淨苑 🚆交通方式：鑽石山站C2出口 > “Suki Wasabi” 分享志蓮淨苑打卡位< ----------------- 6️⃣ 深水埗DX設計館「霓虹燈展覽」 霓虹燈作為香港繁華夜景嘅象徵，絕對係影出復古式氛圍打卡相嘅重要元素！深水埗DX設計館近期就舉辦期間限定「璀璨霓虹」霓虹燈展覽，展出各年代嘅霓虹燈燈箱，以獨一無二嘅手工藝展示出霓虹燈如何造就香港光影文化及見證呢個城市嘅歷史故事，從展覽重現昔日光彩！ 📅活動日期：即日起至2026年3月31日 📍地址：深水埗通州街280號 DX設計館1樓展覽廳 > “cheuklamashley” 分享霓虹燈展覽拍攝技巧< ----------------- 新界區打卡好去處： 7️⃣ 馬灣1868 馬灣曾經係一條有200多年歷史嘅小漁村，如今成為香港新興旅遊景點，呢個小型社區集結文化同藝術氣息，而且朝向無敵大海景！海景前仲有一條標誌性彩色村屋同壁畫街，仲有多間本地文創小店進駐，每個角落都散發清新活力嘅氣息～假期帶子女或者情人節同另一半去馬灣玩足一日，輕鬆感受微度假氛圍，放低所有煩惱，勁chill～ 📍地址：馬灣珀欣路33號 🚆交通方式：詳細交通查看官網 ----------------- 招募U Creator l 出Post賺額外收入！ 立即登記➡️ https://ulapp.hk/nsq06  🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 -----------------  圖片來源：社群U Creator {{hket:tag-user display="hohoyan"}}278005{{/hket:tag-user}} 、 {{hket:tag-user display="積仔記-吃喝玩樂旅遊達人"}}724949{{/hket:tag-user}} 、 {{hket:tag-user display="圓碌碌 Circle"}}851221{{/hket:tag-user}}  #ULifestyle應用程式 #ULifestyleApp #社群 #ULifestyle #網紅打卡 #香港打卡 #香港 #打卡好去處 #情侶好去處 #親子好去處 #打卡 #UCreatorHK #怪獸大廈 #港版小京都 #打卡秘境 #馬灣

U Lifestyle

香港攻略

【打卡好去處2026】香港8個IG熱門打卡景點 Gen Z最愛韓系Cafe/彩色小屋/手繪燈籠/港版小鎌倉

難得放假想同另一半或老best一齊去打卡影靚相，又冇idea去邊好？今日精選出全港7個IG熱門打卡景點，有齊Gen Z最愛嘅韓系Cafe、童話風彩色小屋，仲可以影埋藍屋、大澳等節日限定燈飾，隨便影都靚～係時候Save低準備打卡！ --------------- 【召集全港GEN Z】解鎖新成就🔥出Post即賺錢！ 無論您係想要財富自由嘅大學生、勇敢追夢嘅Fresh Grad，定係想轉做Slasher嘅打工仔，只要您熱愛分享生活，就可以加入，將流量同諗法變現！可以無上限賺現金賞外，仲可以優先享受免費試食、試玩、試用各種人氣產品同活動！ 立即報名「社群創作有價企劃」 --------------- 1️⃣ 淺水灣影灣園 位於淺水灣泳灘附近嘅「影灣園」由舊淺水灣酒店改建而成，完美保留復古優雅嘅英倫風情。商場中庭嘅紅色地磚配上經典綠色遮陽傘與綠色植物，極具電影感，多部經典港產片都曾喺度取景！影完相仲可以去露台餐廳歎英式下午茶，Chill下Chill下半日就過～依家經《社群》登記仲有機會免費歎呢份奢華海景下午茶添！ > “積仔記-吃喝玩樂旅遊達人” 分享淺水灣影灣園復古打卡位< 📍地址：香港島南區淺水灣淺水灣道109號 活動日期：即日起至2026年10月8日 登記免費歎精緻下午茶 --------------- 2️⃣ Kactus Koffee 位於上環街角嘅「Kactus Koffee」由韓國人主理，樓高 2 層，採用簡約工業水泥風裝潢，穿搭得宜隨手一拍都好似置身首爾街頭！店家主打地道韓式甜品同特調飲品，必點招牌「Kactus Coffee」，奶蓋香滑濃郁，非常適合閨蜜或情侶嚟度過有質感嘅下午！ 📍地址：上環皇后大道西27-39號新成大廈地下1號舖 > “Ngwing” 分享上環韓系工業風咖啡店點解咁適合打卡< --------------- 3️⃣ Bun’s 2020 天氣熱或者落雨最適合去室內玩！位於荔枝角嘅「Bun’s 2020」佔地約 15,000 平方呎，除了可以享受踩 Roller 樂趣之外，場內滿滿嘅霓虹燈與美式復古佈景，俾你一秒穿梭返80年代懷舊Disco風情，係個幾適合情侶、朋友Team building嘅活動！ 📍地址：荔枝角長義街9號D2 Placeone 5樓A室 --------------- 4️⃣ 藍屋 作為一級歷史建築，藍屋保留咗原本唐樓建築特色，地下作為商鋪，樓上作為住宅，活化後外牆塗成藍色，周圍建築群亦分別塗上黃、橙色外牆，十分搶眼！而今年正正係藍屋活化10周年，中秋前後更可以打卡來自本地藝術家、灣仔街坊設計超過700盞手繪花燈海！不過藍屋附近係民居，大家影相時記得放低聲量啊！ 📍地址：香港島灣仔石水渠街72號至74A號 延伸閱讀：【中秋好去處2026】香港6大中秋賞月活動推介 藍屋花燈/大坑舞火龍/綵燈會] --------------- 5️⃣ 赤鱲角南路巴士站 東涌海灣附近原來有個咁靚嘅海邊巴士站！位於赤鱲角機場後勤區，車站背靠海邊，四面環繞山海及纜車景色，加上巴士站帶有淡黃色古舊外觀，令佢被唔少網民稱為「港版小鎌倉」，就連歌手陳慧琳都喺呢個巴士站拍過MV，黃昏時分去影效果更靚！ 📍地址：東涌赤鱲角南路巴士站 --------------- 6️⃣ 馬灣1868 想遠離市區繁囂，一於去馬灣感受異國風情！「馬灣1868」一帶保留咗舊漁村歷史痕跡同藝術家特色壁畫，改建成一條藝術氣息濃厚嘅海島文青小區！一間又一間彩色小屋排列，仲可以近距離觀賞青馬大橋風景，黃昏時分晚霞映照喺海面，散心打卡一流！ 📍地址：新界馬灣珀欣路33號 > “goodfoodgoodmoodhk” 分享海邊藝術小區有咩玩< --------------- 7️⃣ 西環泳棚 如果冇特別活動想玩，不如由堅尼地城海旁漫步前往「西環泳棚」，沿路感受慢活街頭氣息！步15分鐘到達泳棚，必影呢個延伸到海面嘅長木橋，仲有特色柱座等打卡位，輕鬆影出復古電影feel！日落時分配上夕陽灑上海面，漲潮退潮嘅畫面，都係唔少攝影師影日落及情侶約會嘅熱門景點！ 📍地址：香港島摩星嶺域多利道 > “NicoleHeiTong” 分享西環泳棚慢活半日遊攻略< ＊請愛護歷史建築及公共設施，於民居附近打卡時請勿大聲喧嘩，保持環境清潔。 【限時福利⚡】簡單兩步送您遊樂場代幣100個‼️ ➡️ 立即參加：https://ulapp.hk/7cr12 🔔 Follow《U Community社群》Instagram 同讚好 Facebook專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。 圖片來源：小紅書帳戶@觀光城巴Citybus HK、社群U Creator {{hket:tag-user display="Peter Tong"}}589492{{/hket:tag-user}} 、 {{hket:tag-user display="NicoleHeiTong"}}1035697{{/hket:tag-user}} 、 {{hket:tag-user display="goodfoodgoodmoodhk"}}732731{{/hket:tag-user}} 、 {{hket:tag-user display="unizfree11"}}54435{{/hket:tag-user}} 、 {{hket:tag-user display="Ngwing"}}855540{{/hket:tag-user}} 、 {{hket:tag-user display="rmb.eat"}}854724{{/hket:tag-user}} 、 {{hket:tag-user display="積仔記-吃喝玩樂旅遊達人"}}724949{{/hket:tag-user}}  #ULifestyle #ULifestyle社群 #社群排行榜 #打卡好去處#香港好去處 #IG打卡熱點 #香港Cafe #週末好去處 #GenZ好去處 #約會好去處