【2018香港最新好去處】3大新商場登陸旺角、銅鑼灣
2018上半年已經有3大新商場開幕，分別位於旺角、銅鑼灣及馬鞍山，遍佈港九新界。3大新商場各有特色，旺角新商場「T.O.P」有多間日本過江龍食店進駐，品嚐到各國的美食；銅鑼灣新商場利園三期亦有日本人氣Pancake店進駐，成為銅鑼灣另一潮流地標。而馬鞍山新商場「We Go Mall」開設於住宅區，為區內居民提供多一個行街食飯的好地方，場內設有多項遊樂設施，適合一家大細去玩。一齊睇下各個商場的吸引之處啦！
1. 旺角新商場「T.O.P」
於今年6月開幕，零售商場部分佔地8層，商場地面及底層均連接旺角地鐵站B2及B4出口，頂層則設有空中花園。
.jpeg)
.jpeg)
美食方面，多間日本過江龍食店進駐，地庫「旺角煮場」集齊了6間食店，包括第一次進駐香港的過江龍拉麵店「味の時計台」、泰國過江龍Khaosoi House、台式小巷咖啡及大力水手｢Popeyes｣ 炸雞等。詳看＞＞【6大食店進駐旺角T.O.P商場 過江龍拉麵/泰菜/大力水手炸雞】
韓式餐廳「柞木炭家」是首間以柞木炭作韓燒的餐廳，可以品種到韓牛及濟洲黑毛豬，炭燒能以短時間鎖住肉汁，燒出來的食物充滿炭香。詳看＞＞【旺角新商場T.O.P開炭燒韓烤店 歎韓牛/濟洲黑毛豬】
還有，蓮香、鴻師傅、山下菓子、Smile Yogurt、緣蝦壹麵、Coffee Central by Coffee Exchange等食店。
購物方面，全港最大韓國時裝Åland旗艦店進駐，佔地近1萬平方呎，帶來超過80個韓國時尚衣履品牌。
.jpeg)
2. 銅鑼灣利園三期
銅鑼灣利園三期已經開始試業中，海外首間日本人氣「幸福Pancake」即將進駐，更開設全港首間Starbucks旗艦店。預計在今年第三季就會正式開幕！
全港首間Starbucks旗艦店佔地5500呎，設有全港首個Teavana Bar，而且推出店舖限定冷萃雪糕咖啡、肯雅咖啡精釀啤酒及3款Pancake等美食及飲品。詳看＞＞【Starbucks香港首間旗艦店登場 推出3款鬆餅/限定啤酒】
「幸福Pancake」來自日本人氣梳乎厘班戟店，相信大家去日本時都會特意去品嚐，之後不用飛日本都食到啦！而確實開幕時間有待公佈。
購物方面，場內駐入了多間國際品牌家品店，包括BoConcept、Homeless、Tavolo Kids Living及香港首間KitchenAid旗艦店。亦有提供美髮服務的M Plus及潮流品牌I.T的店舖。
3. 馬鞍山「We Go Mall」
一向有「美食沙漠」之稱的馬鞍山在今年5月有新商場「We Go Mall」開幕，為馬鞍山的朋友仔提供多一個行街食飯的好地方。
除了增加食肆選擇外，仲有多項遊樂設施供大家玩，包括有溜冰場、VR體驗館、迷你賽車場、迷你高爾夫球場同射箭場等。詳看＞＞【馬鞍山新商場5月開幕 溜冰場/迷你賽車場/食肆】
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣本地熱話
↓【限時搶⚡】置富Malls 全力以「褲」Pickleball套裝↓
↓亮麗的粉藍設計↓
🚨【U Community研學室正式上線！】🚨
>🌟免費下載幼稚園/小學工作紙x試題<
U GO 本週好去處
