熱愛優質生活
首頁   \   ViuTV節目   \   《男人講嘢》罵爆韓劇唔真實 灘叔:一日7套衫港男點做到?

《男人講嘢》罵爆韓劇唔真實 灘叔:一日7套衫港男點做到?

2017.02.27

近年韓劇大行其道,每季都為劇迷帶來一齣齣主題創新又吸引的大熱劇集。上年跑出宋仲基朴寶劍,今年年頭大家都中孔劉毒,幻想吹熄蠟燭就有個oppa隨傳隨到。女生睇到「心心眼」,不過對於男士們卻睇到眼火爆,點解?

延伸閱讀:擺脫老土絕症劇情!網民推介4大高質懸疑韓劇


上星期播出的《男人講嘢》討論「韓劇毒」如何影響男女朋友的關係。主持抱怨女伴沉迷韓劇,灘叔分享身邊有朋友因韓劇而令夫妻關係變差,老婆顧住睇戲令夫妻間應有的生活都無晒。Thor似乎對韓劇不太反感,大讚宋仲基夠charm,可惜香港無軍隊,港男難以學劇中宋仲基同上頭撐到衡劈炮。不過灘叔仲大鬧韓劇設定唔真實:「如果女朋友鍾意睇韓劇,你根本就要割脈自殺,你點同韓仔鬥呀?」
 

灘叔又抱怨oppa的設定港男無得學,「啲人成日叫我學吓孔劉!點學呀?佢一日可以換幾套衫,黃偉文都學唔到佢啦!」著住孔劉件長身外套亦非凡人能駕馭得到,幻想下灘叔著長身外套揸住棵蔥行出嚟個情景,明晒,韓劇果然唔真實!

 

《晚吹:男人講嘢》 逢星期六 23:30-00:00於Viutv播出,亦可於網上翻睇節目重溫

內容評分
評語