14款必掃小食甜品!美食博覽精選食到飽 (Round 1)

2016.08.11

一年一度,食貨們期待已久的美食博覽今日正式開始, 8月11至15日,一連5日於香港會議展覽中心舉辦。除了各種品牌食品、零食、飲品等各款美食,熟食攤位的各款小食甜品,當然不可錯過!小編今次聚焦個個都會去的公眾館,行遍全場,精選以下14款小食甜品,各位愛食之人準備出動!

10吋長即燒大魷魚$30 (攤位編號:1D-B28)

即叫即燒的大魷魚,加上孜然粉及辣粉,熱辣惹味。魷魚鮮甜肉厚,彈牙而不韌。魷魚大大隻約10吋長,自拍呃like最適合!

 

 

粒粒紅豆抹茶軟雪糕$35/$40 (攤位編號:1E-A10)

阿波羅是美食博覽的常客,除了鮮果乳酪雪糕外,首推出宇治抹茶軟雪糕及宇治金時軟雪糕。軟雪糕用了京都抹茶粉做成,加上日本十勝原粒紅豆。入口有淡淡的抹茶香味,紅豆香腍,口感豐富。

  

泰式炒雪糕蛋卷$40 (攤位編號:1D-C28)

士多啤梨彩虹針蛋卷,雪糕漿倒落超凍不鏽鋼板上,用鐵板鏟不停炒,壓成一塊雪糕片再捲起成為雪糕蛋卷,加上棉花糖及彩虹針等Topping。口感似雪葩帶煙韌,入口即溶,酸酸甜甜,非常特別。

 

 

流心玉子燒$30 (攤位編號:1A-B12 )

熱辣辣的雞蛋包着蟹柳及芝士,加上大量木魚及蟹子。雞蛋香滑更有少許流心。

 

 

韓國烤冷麵$30 (1E-A32)

即叫即做的韓國烤冷麵$35份,冷麵加上雞蛋炒香,放上芝士辣肉腸、芝士及粟米等配料,捲起成如台式蛋餅般,再加上芥子醬及辣醬,非常新奇。

  

 

即食榴槤肉串 $20 (攤位編號:1D-C28 )

用泰國直送的急凍金枕頭榴槤肉,一串三件。榴槤味香濃,如雪糕口感,以竹籤串起非常方便,不會弄髒雙手。更有迷你清邁甜心菠蘿$20/串,連個芯都可以一併吃掉。

  

 

大大杯台灣椰奶 $30(1D-C28 )

用了台灣屏東的椰子即榨而成$30/杯,大大杯清甜解渴,抵飲! 

  

下頁續看:Round 2精選小食、甜品!

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【您去玩我找數】勁送$1000旅行資助金💰↓

↓ 領取資助金,用$0去玩不是夢~↓

↓ 領取資助金,用$0去玩不是夢~↓

↓【免費送🎁】SPY x Family藍牙音箱!↓

↓仲有兩款模型~ FANS必收藏😍↓

↓仲有兩款模型~ FANS必收藏😍↓