連鎖眼鏡店視光師做9年突收解僱信！背負供樓重擔感徬徨！網民嘆北上配眼鏡搶走客源？

做9年視光師突遭解僱失業 背負供樓重擔感徬徨

帖主表示，自己在本地連鎖眼鏡舖擔任視光師已有9年，期間亦已買樓，目前經濟負擔不輕。他稱收到解僱信，做完當月便須離開，並在帖文中表示「因為生意實在太差」。原以為累積多年工作經驗，仍可繼續在本行發展，面對失業與供樓兩重壓力，帖主感嘆：「估唔到做視光師而家都失業，仲要有層樓真係好徬徨，供得好辛苦。」

網民分享北上配鏡經驗 價格與取貨時間成討論焦點

留言中，部分網民將眼鏡店的經營環境，與北上配鏡的消費選擇連在一起，認為價格及取貨時間會影響顧客決定。有留言者自稱曾到深圳東門配眼鏡，花費約600多元，並稱自己比較的香港報價約為2,000元；另有人表示，保留原有鏡框、到深圳更換鏡片，是自己節省開支的方法。

有人建議賣樓減壓 亦有人分享供樓16年經歷

對於帖主最擔心的供樓問題，有網民分享自己供樓16年、終於供完的經歷，留言為他打氣。亦有留言者建議，若物業並非負資產，可考慮出售後改租較便宜的住所，先減輕每月負擔，為自己爭取時間重新安排工作與生活。

私人診所仍有機會？網民勸先找其他僱主

另有部份留言則認為，應先分清個別店舖的經營情況，與視光師本身的就業前景。一名網民自稱女兒同樣從事視光師工作，在私人診所任職，並表示該處「好好生意」，建議帖主不妨轉換工作環境；亦有人認為，問題未必出在視光師這個職位，而是基於本港市道不佳或店舖經營問題，留言勸他「搵過第二份工啦」。

視光師收入有幾多？官方網站列月薪參考2萬至5萬元

至於視光師的收入，香港人才服務辦公室官網列出的薪酬參考顯示，眼科視光師月薪介乎2萬至5萬元，高級眼科視光師為3萬至6萬元，顧問（眼科視光）則為4萬至8萬元。上述屬不同職級的薪酬範圍，並非整體行業的平均收入，僅供參考。

網民留言一次睇：

• 去外國配過眼鏡先發現香港嘅視光師係幾咁專業，但而家劣幣驅逐兩幣嗰個都貪平北上冇計啦，有料都係同香港命運一樣被淘汰中。
• 好多人都上深圳配眼鏡，用大陸貨或冒牌貨，平超過1半，上面又唔駛乜嘢視光師，就算有証書都可能係淘寶嘢，香港係要融入大灣區，大部份人減人工先可以生存。
• 北上配平咁多，香港眼鏡舖生意差係正常不過。
• 日本配，用機驗，仲要即刻收到，樓本唔使再用人手驗，無計人地平咁多，仲要即刻有貨。
• 我用開日本眼鏡，但依家環境太差，鏡片老化，去深圳大公司配藍光鏡片都系二百蚊，個日本框架好耐用唔洗換，慳到盡。
• 香港眼鏡舖呃左香港人咁多年錢係時候X得皮，服務態度差又收得貴！大陸咁近個價可以平3倍，生意點頂呢香港租金又貴！說穿了最後死的都是班有鋪的業主。
• 其實是視光呢個職位都只系經驗，入得行做幾年就已經足夠啦，不過系要加個師，要讀過書咁樣
• 應該不是視光師問題，而係公司經營不善….搵過第二份工啦。
• 東門眼鏡城搶灑香港人生意，以前香港配4，5百蚊，東門200有找，仲1小時攞得。
• 全部人返大陸配眼鏡，香港普通一副眼鏡成千蚊，大陸一副三百蚊，超多款式，全世界冇的深圳都有，平到你唔信，其實二十年前該考慮轉行，現在想做本行難。

資料及圖片來源：Facebook@裁員炒人消息關注組、Canva示意圖片