來自日本的品牌tutuanna在旺角朗豪坊分店今日正式開幕，開張首日已經有不少粉絲特地來朝聖，當中以OL居多，小編當然亦第一時間潛入tutuanna為大家睇睇整體價位如何以及有哪些必買精選貨品！
店舖有八成貨品都是襪，無論船襪、短襪、長襪、絲襪、五趾襪等都有，以船襪為例，價錢由$39起，當中最抵買之選必定是$39一set三對的船襪或短襪組合，雖然以黑白灰色為主，但仍有條紋、波點等圖案，喜歡素色的朋友最啱！
店中以女裝襪較多，單係船襪就有分「淺船」和「深船」，女生穿高跟鞋可以配襯「淺船」，不會突出襪邊，但能吸汗防滑，另有多款花樣船襪，適合喜歡kawaii風格的日系女生，船襪大部份為$39一對，價錢尚算合理。男裝襪亦有船襪和短襪選擇，價值亦是$39起。
不少女生喜歡夏天以短襪配襯波鞋或涼鞋增加層次感，不少都着重襪筒的細節位設計，價錢為$39至$49一對。
絲襪方面，店內人氣No.1款式防裂紗絲襪只需$49一對，而其他絲襪或者leggings的款式和丹數選擇亦算多，價錢由$69至$99不等。
除了襪，和風家居服亦值得入手，圖案以花和蝴蝶為主，顏色繽紛，如果不喜歡和風，亦可選擇波希米亞風，圖案和色彩較素，但有較多剪裁細節，家居服的價錢由$289起。
此外，大家亦可以搵到鞋墊、手襪、女裝內衣和雨傘等。
相關連結：
>>>港地方：tutuanna
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
