點只似宋仲基！孔劉張松枝呂方世界級撞樣

韓國喪屍電影《屍殺列車》近日掀起熱潮，口碑和票房於香港都有不俗成績，而戲中的男主角乃是型男孔劉，對膽小的女生們而言，唔睇喪屍都值得睇oppa，有留意孔劉Instagram的粉絲們仲可以在當中找到不少oppa的型照呢！

可能香港的觀眾透過《屍殺列車》進一步認識孔劉，有網友就話睇睇吓孔劉竟然覺得他與好幾位男藝人撞樣撞到嘭嘭聲！先有韓國同胞、《太陽的後裔》宋仲基，兩人同樣有迷人電眼加殺死人的笑容。

既然似宋仲基，就當然都似被封為「港版宋仲基」的香港藝人張松枝啦！

咁都未算，小編覺得孔劉仲越睇越似一個人……

無錯，就係歌手呂方！孔劉其實同樣眼細細，而且面型同呂方都非常相似，十足「高版呂方」！

講到撞樣，其實《太陽的後裔》熱播期間都有網友指馬浚偉同宋仲基有幾分相似，不過，將馬浚偉拼落孔劉，又似乎唔算撞樣。

大家仲有無發現其他同佢哋撞樣的藝人呢？

來源：孔劉IG、宋仲基廣告截圖、呂方MV截圖、張松枝FB、馬浚偉FB