熱愛優質生活
首頁   \   港熱話   \   很想跟他瘋狂合照 去這些地方隨時捕獲野生發哥!

很想跟他瘋狂合照 去這些地方隨時捕獲野生發哥!

網上圖片
2015.01.22

文:仙人掌妹妹

圖:網上圖片 

網上個個都話喺街撞過「發哥」周潤發,小妹一次都未遇過非常不忿!為咗同發哥自拍,得到發哥招牌笑容呃like,小妹決定整理一下發哥經常出沒嘅地點,希望能夠捕獲野生發哥一個。

公共交通工具

雖然貴為影帝,發哥不時都會被網民影到佢搭港鐵、搭巴士,連太陽眼鏡都唔戴,唔怕被群眾認出。最近就有網民喺等巴士期間遇上類似發哥嘅身影,猶疑之際,發哥竟然上前自我介紹:「你好,我係周潤發」。小妹都好想聽吓發哥嘅自我介紹,然後回應:「你好,我係xxx」,同發哥做朋友啊……

網上圖片 

機場

發哥不時都要去外地拍戲,從事機場地勤工作,或者經常旅行的話喺機場大堂就要特別留神啦!前幾日發哥出發前往北京宣傳新戲,check-in期間被機場人員同粉絲認出,毫無架子任影合照,而且仲有傾有講!旅行前撞到發哥,應該會特別開心!

網上圖片 

九龍城街市

「明星街市」非九龍城街市莫屬,唔少藝人都鍾意去九龍城街市買餸,貪食材夠新鮮!發哥出名注重健康,經常親力親為落街市買餸揀靚料,連電視新聞都有訪問過佢對冰鮮雞嘅睇法,演戲厲害,又係住家好男人,睇嚟發哥喺師奶界都有相當高嘅地位!

網上圖片 

內容評分
評語