熱愛優質生活
首頁   \   港熱話   \   馬子妮IG 貼劇本 暗示馬家回歸《愛•回家》日子?

馬子妮IG 貼劇本 暗示馬家回歸《愛•回家》日子?

見唔見到《愛•回家》劇本?
2015.11.23

即使多次傳出腰斬,但大台處境劇《愛•回家》依然無限Loop到2046,自從無咗馬家,每集內容不斷講龔嘉欣同兵仔張振朗何君誠嘅三角戀,唔少網民都話內容無聊兼無新意,同馬家孭飛時嘅《愛•回家》差好遠!
見唔見到《愛•回家》劇本?「馬子妮」蔣家旻於社交網站貼出同呀哥「馬子仁」嘅合照,仲話重拾熟悉感覺。
等到頸都長,馬家終於回歸《愛•回家》!日前「馬子妮」蔣家旻於社交網站貼出同呀哥「馬子仁」嘅合照,幾日後又於社交網站上貼出一堆劇本,望真少少,入面竟然有《愛•回家》931及932集劇本,計計日子, 931集應該會於12月31日播出,即係話等多一個月就見到馬家番屋企喇!
「馬虎」劉丹同「麗嫦」林漪娸齊齊喺安輝海味鋪食鮑魚「身痕仔」李興華貼出同「馬子仁」嘅合照,仲話想同佢有對手戲喎!
同時「身痕仔」李興華貼出亦於社交網站貼出《愛•回家》花絮,照片中除咗見到馬子仁,仲見到「馬虎」劉丹同「麗嫦」林漪娸齊齊喺安輝海味鋪食鮑魚!馬家幾個骨幹已經埋位,神之馬壯同其他律師樓成員相信都好快重返劇組救亡谷收視,到時主題曲可唔可以轉番欣宜首在世間遮風擋雨有一種愛呀?

以上圖片及料來源: 蔣家旻INSTAGRAM李興華微博

>> 大台捱足20年僅獲感謝信 洪天明微博撰文嘆未遇機會上一線
>> 就做完《愛‧回家》 無綫十大最長壽處境劇其實它只排第三

內容評分
評語