中四生去camp不肯自己裝飯，老師求救家長 家長:「去camp無工人，叫校工啦」
網上有一個專頁叫「90後教師決戰怪獸家長」，一位年輕老師戴sir會經常喺嗰度分享好多佢見過怪獸家長同怪獸學生嘅奇異行為，今日佢就講咗一個關於去Camp嘅故事，話說學校帶咗班學生去夏令營，食飯嘅時候，戴sir有個中四升中五嘅女學生叫極都唔肯自己裝飯，仲駁阿Sir話阿媽教落裝飯係工人做唔係自己做喎，之後阿Sir就打電話同佢阿媽講，阿媽原來好明事理，知道去Camp冇工人，所以就叫阿女叫校工做，不過Camp冇校工喎，阿媽就話叫飯堂職員或者其他男同學做，仲話阿女唔啱食啲飯可以送老麥畀佢，戴sir同其他同事聽到O晒嘴，但係阿班主任就唔係咁睇，佢仲話戴sir多事，一陣畀人投訴就大鑊！
呢個故事如果十幾廿年前講實以為阿Sir老作，今時今日講就真係小兒科，唔知其他網民點睇呢？
老師今時今日嘅服務態度唔得囉，應該喂埋落口囉！
呢啲係福氣，唔係寵壞囉！
小朋友，地球好危險，你都係返去火星啦！ 
來源: FB@90後教師決戰怪獸家長
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
