熱愛優質生活
首頁   \   港熱話   \   平嘢都有好!嚴選Aeon $12店性價比之皇

平嘢都有好!嚴選Aeon $12店性價比之皇

2015.09.08

文:U Beauty

即使10蚊店升呢變12蚊店,女人總可流連其中樂而忘返,更有唔少朋友到台灣日本旅行都要到大創門市掃貨。原因好簡單,因為她們深知平嘢未必無好,有時更加能執到寶!唔信?等小編話你知邊啲係12蚊店性價比之選啦!

1.    黑炭面膜 ( 小編評分: ★★★★☆ )
黑炭面膜 (圖:Daiso.tw)
深層清潔後於T字位厚敷黑炭面膜(記得避開眉毛!),面上粉刺黑頭通通都可撕出,最驚喜是連面毛都能清理!由於黏力超強,撕出時會感覺少許痛,所以小編唔太鼓勵皮膚薄且易敏感的朋友試喇!

2.    Q10 潤手霜 ( 小編評分: ★★★☆☆)
Q10 潤手霜(圖:Daiso.tw)
同系列的化妝水都獲不少網友大讚。這款潤手霜保濕力不俗,適合日常使用。唯潤手霜無香味,$12產品而言表現絕不失禮。

3.    化妝粉樸/掃專用清潔劑 (小編評分:★★★★★)
化妝粉樸/掃專用清潔劑(圖:myDaiso.au) 
之前講過沒有定期清潔的化妝掃含菌量比馬桶更高,貪靚的你當然要養成清潔化妝掃的習慣。唔想買專櫃牌子可以試試這款專用清潔劑,清潔力超強!建議只用作洗纖維毛掃,因小編試過用作洗動物毛掃,反而令毛質變差,所以極不建議!

4.    女性專用洗劑  (小編評分:★★★★★)女性專用洗劑 (圖:圖:Daiso.tw) 
小編強烈建議女生試試!它有效去除血漬,沾到內褲還好,若經血不小心沾到床單或棉被就麻煩大了。於染血位置滴幾滴洗劑就能溶開血漬,用濕布輕拭已可清潔九成污漬,超方便!


5.    睫毛夾 ( 小編評分: ★★★☆☆)
睫毛夾(圖:myDaiso.au)
或者是日本生產的關係,這款睫毛夾甚適合輪廓不深的亞洲人,值得一試。

6.    髮夾組 ( 小編評分: ★★★☆☆)
髮夾組(圖:Daiso.tw) 
小編認為髮夾自動消失應該列入十大奇案。有了髮夾盒加一堆新髮夾,不怕髮夾愈用愈少啦!

7.    化妝綿 ( 小編評分: ★★★☆☆)
 化妝綿(圖:Daiso.tw) 
一盒180塊只售$12,一塊平均一毫子都唔駛,用作卸妝或濕敷都絕不肉赤!

8.    衣櫃用芳香包 ( 小編評分: ★★☆☆☆)
 衣櫃用芳香包(圖:Daiso.tw) 
有莓果味、薰衣草味、玫瑰味可選,可吊掛於衣桿上辟味,使用方便。

9.        旅行分裝容器系列 ( 小編評分: ★★★☆☆)
旅行分裝容器系列(圖:Daiso.tw)
非常適合經常出差或旅行的人,把護膚品分裝好,攜帶方便,而且有多種容量供選擇。

10.    臉部按摩器 ( 小編評分: ★★★☆☆)
臉部按摩器(圖:Daiso.tw)從下巴到臉頰上下滾動,據說洗面後使用效果更佳,建議睇電視時碌10分鐘,不能保證你碌完立即變V面,但去水腫絕對有效果!

總結,由於兩款清潔劑各有千秋,小編實在揀唔到邊隻最好,所以唯有學獎門人話齋:打成平手!

文:U Beauty

內容評分
評語