熱愛優質生活
首頁   \   港熱話   \   「我撳完Ctrl再撳C,點解Copy唔到嘅?」20句一講即得罪IT友嘅說話

「我撳完Ctrl再撳C,點解Copy唔到嘅?」20句一講即得罪IT友嘅說話

設計圖片/TVB截圖
2015.08.28

文:Marcus
出嚟做嘢真係好多嘢要學,你幾叻都假,一下得罪人你想上位都幾難,之前教咗你哋對住設計師同傳媒人唔好講啲咩,今日又袋錢落你袋,你以為公司
IT部唔關你事?對於大部分嘅科技盲,無咗佢哋你都唔知點做嘢,所以都係恭敬啲好,唔好講下面呢啲說話喇!

設計圖片/TVB截圖(設計圖片/TVB截圖)   

1.我咩都無掂過,唔知點解部機壞咗。

2.問:死啦,部機唔知點解無反應?我好多重要File喺裡面!。

 答:Er……你好似未開機!

3.你電腦咁叻,撳兩掣搞掂啦!

4.你返工都係玩電腦之嘛!

5.之前唔係咁㗎,呢個咩嚟(Chrome)?我用開嗰個(IE)去咗邊?

6.我撳完Ctrl再撳C,點解無Copy到嘅?

7.個燈膽燒咗,Call IT部!

8.我屋企部電腦點點點,你知唔知點解?放工可唔可以嚟我屋企睇下?

9.我想買部電腦/電話/平板/電視……有冇好介紹?

10.幫我寫個網,唔使好複雜,類似Facebook咁。

11.我有個File唔知放咗喺邊,你幫我搵返出嚟!

12.大老闆:我哋公司要全面數碼化!

13.不如寫隻App屎,而家興呀!

14.阿邊個,同我搞下嗰啲咩大數據,而家興呀!

15.Google都做到,點解你唔得?

16.公司個Facebook Page點解咁少人Like?幫我搞搞佢。

17.一睇你個樣就知你做IT。

18.點解你成個Department啲人一樣樣嘅?

19.你做IT㗎?咁我搵你買衫有冇折?

20.咦,你有冇女朋友? 

相關文章

「有少少嘢改,15分鐘畀唔畀到我?」20句一講即得罪設計師嘅說話

「你份工好好玩!」25句一講即得罪傳媒人嘅說話 

「老師人工高,假期又多。」33句一講即得罪老師嘅說話  

如何一句撻著設計師怒火? 睇網民示範點「執走架的士」

內容評分
評語