港人呻同親戚食飯冇得AA制！大呻唔公平！網民12個字秒殺
早前有網民在香港討論區以「有時同親戚食飯，發現佢地唔會AA制？」為題發文，表達對與親友食飯會由一人負責，而不會選擇分攤費用的做法感不解。樓主稱自己在會計師樓工作，「有時食完飯，覺得佢地好奇怪，點解一定要一個人比錢？」
有網民好奇是不是現時要由樓主負責「埋單」，所以有此疑問，樓主表示「唔係要我比，而係佢地永遠一個人（我老豆，我舅父，我阿叔，。。。）比，甘我心唸話就話親戚，其實都係幾家人，AA唔係最公平？」
有網民認為與親戚食飯，請客是人際交往上的人情世故，直言「你介意請人食飯，最好唔好出現」、「親戚食飯唔係要公平,係要聯絡感情！」、「你上司嘅上司叫到一齊去食飯,即佢比晒錢。」有人更反問「還是同老婆日常消費都aa？」
大多數網民的聚會是由一人負責賬單，但亦有網民的親友飯局行AA制，「我女朋友親戚食飯就一個父輩級畀錢輪流來，我自己就按成人人頭AA，我仲見過按家庭AA添。」亦有網民分享自己的情況，上一輩做法按父輩家庭攤分，到了他們這一代，已轉成大家平均分攤費用。
亦有網民指自從各家庭成員開始成家立室，「由本來幾兄弟姊妹幾個家庭，二枱變左五枱」，從前夾錢的兄弟姐妹已退休無收入，難以獨力負擔飯局賬單。「最後出聲話以後家庭大聚會，按家庭分攤。自此，所有已結婚有家庭的就沒再出現過」，該網民不禁慨嘆「幾咁現實！」
有人建議既然無需樓主付錢，請客一事就隨長輩心意吧。亦有人稱，哪個親戚發起飯局就由誰賣單，只要食就好。樓主最後亦表示「人情世故值幾錢？如係感情果d無法量化既野，請忽略，我眼中只有數字。」
來源：香港討論區、TVB劇照
港生活人氣本地熱話
↓【限時搶⚡】factiv CAT1 離子保濕潔膚乳↓
↓潔面、保濕、修復三效合一｜持續保濕洗面後不繃緊↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
