青衣綠置居稱住戶窗邊「窺看」鄰居被投訴？網民激辯：你唔望我點知我望你

青衣匡屋苑住戶窗邊「窺看」其他單位被投訴？

青富苑於2023年入伙，樓高40層，兩座合共2868伙，單位實用面積由187至471平方呎不等。日前有網民透過Threads上分享，留意到青衣青富苑管理處張貼的一張通告，內容指「近日收到業戶反映，懷疑有住戶於窗邊位置窺看其他單位住戶的生活行為，感到滋擾」，因而呼籲住戶留意個人生活習慣，惹來爭議。

點擊圖片放大

網民激辯：你唔望我點知我望你

通告一出，樓主直言「香港人真係乜都可以投訴一餐」，有網民質疑通告是否反應過度，畢竟居屋的窗戶本就較細且相距甚近，「居屋咁細隻窗都驚？新樓啲落地玻璃點算？」「有啲廚房廁所窗同隔離真係好近。但係可以唔俾人企咩，唔俾人望窗？有咩計？自己裝紗窗，落簾囉」。也有人戲謔回應，「你唔望佢點知佢望你」、「你唔望我，我咪唔舉報你囉」。

▼網民留言▼

+5

+4

點擊圖片放大

有住戶表示自家貓咪亦經常對面窗口對鄰居的貓窺視，笑言「我會叫佢唔好再咁𥄫人地」；亦有人指稱只是在窗邊望風景無可厚非，「坐喺窗邊發呆都唔得？」「對面樓有個呀伯朝朝望窗外風景，睇得出真係望風景唔係單位，人地有咁既習慣有乜問題呀？」認為純粹欣賞外景不應被當作侵犯私隱。此外，不少網民感慨此類告示背後，往往藏有更複雜甚至荒謬的故事，坦言「每一張離譜告示都有大量故事」，大家又覺得呢？

資料及圖片來源：Threads、香港房屋委員會