人夫放假約出去滾｜陳山聰重提前妻憶述由未定性變好爸爸 愛妻號因一個舉動認定太太為終生伴侶
藝人陳山聰近期憑著劇集《鐵拳英雄》再度人氣急升，劇中與姚子羚的情侶檔更被捧為「最強CP」，比起陳展鵬與唐詩詠更為搶鏡。現實中，陳山聰就曾經迷失在這場愛情遊戲之中，除了先後兩次結婚之外，最為人熟知的就是其與賭王千金何超雲的兩年情。日前，陳山聰就作客J2台新節目《人夫放假約出去滾》，講起過去的感情經歷，更一度眼濕濕。
現年45歲的陳山聰，入行已經接近30年，由新人初期時非常爛玩愛蒲，在節目中就自爆曾試過開工前一晚醉倒街頭，接著緊接開工，十足浪子生活，異常靡爛。陳山聰再爆自己在入行後曾因冇工開而手停口停，因而去做過售貨員維生，亦講到「第一張part time支票係三千幾蚊」，經歷了入行第一個谷底。
千禧年時，陳山聰決意重返TVB拍劇，由三千蚊最低人工開始做起，更回憶起當年未成名時的心路歷程，表示第一年參加節目巡禮時，「影大合照頭兩、三個就叫我，即係企最高嗰排」，一直默默耕耘，終在TVB台慶50周年時以男主角身份企到第一排，令他相當感觸。
談到昔日情史，陳山聰就重提了第一任的前妻，坦言當年在他最失意低潮之際，遇上了前妻相伴相扶，卻因自己「未定性」而「唔識珍惜、唔識諗」，儘管兩人交往十載、成婚三年，亦離婚收場。陳山聰亦憶述了離婚後，於2013年起與賭王千金何超雲的兩年情，當時屢遭外界抨擊「食軟飯」、「棄糟糠」，令他的事業急跌至谷底，更一度戀愛大過天，消失於電視行業。
愛得高調過後，這段不被看好的戀情兩年後亦告終，陷入人生低潮的陳山聰曾被笑事業、愛情、身形、錢財盡失，陷「四失低潮」，但幸好遇上了另一個真命天女，即現任太太Apple。身為圈外人的Apple，當年認識和了解陳山聰後，一心陪伴他撐過低潮期，更曾爽朗拋下一句：「我唔覺得你以前有咩大不了，又唔關我事，我係識而加嘅你」，令山聰認定了對的她。
2019年，陳山聰就與拍拖5年的女友Apple結婚，正式拉埋天窗；2020年更誕下一子Jaco，一家三口幸福美滿，而陳山聰近幾年亦修心養性，疊埋心水衝刺事業，脫胎換骨成為愛妻號、好爸爸，重建好男人的正面形象。
圖及來源：TVB、IG@陳山聰
港生活人氣娛樂新聞
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
