大埔搵食路線 驚喜街市抵吃美食

2017.03.11

山長水遠入大埔,除了約齊一大班朋友去郊區BBQ、行山和踩單車之外,市中心也有很多平價小吃店,放假想放鬆大吃大喝,必定要mark實今次的大埔覓食路線!


第 1 站 彩虹串燒專門店

除了傳統串燒,串燒店的燒海鮮更是熱賣之一。店外擺滿當天新鮮採購的海鮮,有帶子、鮑魚、蟶子、象拔蚌等,即叫即燒,保留鮮味。每天按來貨種類有不同特價精選海鮮,燒帶子($85/3隻)每隻非常巨型,帶子燒得剛剛好,鮮味彈牙,加上蒜蓉泥和辣椒粒就更加惹味!

每枱必點的star war醉蜆配烏冬($32)上枱熱辣辣,一打開蓋酒香撲鼻,湯底加入老闆娘特製辣醬,辣得過癮,但吃不到辣的朋友就最好選BB辣。蜆肉偏細,但勝在份量夠多,2個人分都夠吃。

店內另一招牌「芝士撞棍」,即是芝士燒響鈴。芝士燒得半溶,加上香脆的響鈴,再蘸上特製甜醬,配搭夠特別,但要襯熱食否則偏乾。


地址:大埔運頭街12-18號美華大廈


第 2 站 東記上海麵

大埔墟街市的熟食中心一向多美食,東記上海麵的豬扒粗麵($34)一定是必食推介。豬扒香脆,炸得火喉得當,肉質鬆軟不韌,配上雪菜肉絲上海麵。豬扒剪好上枱,方便食客。雖然地方環境未必太好,但仍有很多捧場客。


地址:大埔鄉事會街8號大埔墟街市及熟食中心2樓


第 3 站 華輝小廚餐廳

有看過「那夜凌晨,我坐上了旺角開往大埔的紅Van」電影的朋友對華輝小廚餐廳應該不陌生,因為這間餐廳正是拍攝場地之一。蘋果批和雞批是店內名物,每款均是$14/件。

牛油批皮香脆紮實,雞批內餡足料,有雞肉、青豆等,味道類似忌廉雞蓉湯。蘋果批內餡滿滿蘋果粒,更加入提子乾,味道保留蘋果的酸味,中和批皮的牛油甜香。但蘋果質地過於軟腍,有點像「中式煲湯」的蘋果,口感略差。


地址:大埔鄉事會坊17號號地鋪

第 4 站 珞桐冰室

想不到大埔寶湖道街市都有隱世小食,位於街市最尾的珞桐冰室價錢相宜,一口杏仁朱古力多士每份只售$26,坊間其他甜品店同款最低售價也要大約三、四十多元。多士即叫即焗,2吋厚多士方粒,層層罰疊高。淋上香濃朱古力醬和杏仁片,多士烤得非常香脆。

 

地址:大埔寶湖道3號寶湖道街市P2鋪

第 5 站 皇甘栗

又到大埔另一街市覓食!炒栗子乾果店「皇甘栗」踩界推出自家製雪糕,主推特濃栗子雪糕,雪糕質地綿密,內有粒粒栗子粒,栗子味非常香濃。老闆獨家研配雪糕的配方,再交由香港雪糕廠房製作,保證新鮮。

另有開心果、石榴和紫薯口味,全部獨家試食價$25至$30。小編推介石榴口味,味道清爽不膩,石榴味一試就知是用新鮮果肉製作,並非人工糖漿,令人一口接一口!

老闆表示之後更會推出涼果口味雪糕,想嘗鮮的朋友記得密切留意。

 

地址:大埔富善街39-41號地下


第 6 站 雞蛋仔專門店

雞蛋仔小食店愈開愈多,大埔的雞蛋仔專門店除了馳名雞蛋仔,店內格仔餅亦深受歡迎。金莎朱古力格仔餅($22)即叫即製,加上大量香滑朱古力醬, 內有粒粒榛子,味道與金莎一模一樣,非常好吃!

店內更有售潮洲糕點「冷糕」,每個售$15。冷糕撒滿椰絲、花生粒和芝麻,但質感偏乾,若加入煉奶及花生醬味道會更佳。


地址:大埔安慈路4號昌運中心地下


第 7 站 飲嘢

光聽店舖名字就知道主打飲品,「超級銀河符碌soda」($49)即為漸層水果茶soda,巨型fruit soda高達37cm,外型搶眼。蝶豆花紫色漸層,配搭清爽水果茶,梳打味道不太突出。奶緹綠茶($35)外型似啤酒,奶泡約1cm厚,味道偏鹹。


地址:大埔舊墟直街9號粵發大廈


活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓

↓【免費送🎁】DPM點對點®床褥!!!↓

↓ 仲會幫您度身訂造出最適合的床褥 ↓

↓ 仲會幫您度身訂造出最適合的床褥 ↓