今日起開鑼!睇晒2016年6大聖誕市集

文: 尋玩人
2016.12.02

聖誕節想買特別的禮物或感受一下聖誕氣氛,行市集都是不錯的選擇。今年香港聖誕市集很多,每個各有不同特色及主題,有白色主題、歐陸風,夢幻糖果屋等,一次過滿足影相、買禮物兩大願望。部分市集已經開鑼,不想錯過就要Mark底日子!

第 1 站 海利公館歐洲風聖誕市集 只限12月2至4日

在香港想感受一下歐洲傳統聖誕市集的氣氛,總會想起海利公館聖誕市集。雖然場地面積不大,但能在逾130年的古蹟下行市集確實難得。
 
除聖誕擺設、節日美食、手工藝飾品的攤檔外,大家亦可透過VR虛擬實景一嚐在香港玩雪的滋味。同場亦設有唇膏製作工作坊、花藝坊等,即場製作聖誕禮物都話咁易。

即睇全文介紹

第 2 站 太古坊白色市集擲雪球 只限12月1至3日

太古「白色聖誕市集」早前首次亮相灣仔星街後,再於12月1日至3日返回太古坊。場內設有不少影相位,大家與聖誕老人合照後,更可即場寄出明信片,把你的心意和祝福寄給親朋好友,費用為$30。
 
市集較其他多美食攤位,暖紅酒、薑味意大利雪糕雞蛋仔、周打蜆湯酸麵包碗、墨西哥辣豆醬chipotle、自家製曲奇餅等等都有,最岩為食一族。
 
今年更首度新增戶外擲雪球場地,想同朋友來一場雪球大戰,記得一入場就去登記!萬一玩唔到雪球,亦可參加場內多場聖誕工作坊,如: 聖誕玻璃杯 、聖誕水晶球、木製聖誕裝飾品等。

即睇全文介紹

第 3 站 赤柱德國童話村 12月10日起

今年赤柱聖誕市集再以德國小村為題,再加入了不少童話元素和德國文化,搖身一變為德國童話村。市集內有不少影相位,包括有5米高粉紅糖果小屋,屋內還放有千支手工波板糖,未見到都已經甜入心。市集內亦掛上璀璨燈飾,影靚相一流!
 
影相之餘,市集還與著名手工糖果品牌Papabubble舉行全港首個波板糖自助餐,無睇錯,真係任食波板糖,一共有8款獨特口味。

即睇全文介紹

第 4 站 愉景灣音樂聖誕市集 只限12月11日

愉景灣聖誕市集設有140個攤位,美酒、派對小食、各式手作飾物、環保服飾、精緻家品、嬰兒用品都有齊,不時會有聖誕表演,包括無伴奏合唱團、LED幻彩小提琴表演。
 
愉景灣的聖誕佈置一向大獲好評,而今年大玩5D及音樂兩大元素,讓大家以視覺、聽覺、嗅覺、味覺和觸覺都能體會聖誕節氣氛。

即睇全文介紹

第 5 站 數碼港飄雪聖誕市集 只限12月17至18日

在漫天飛雪下行市集不一定只出現在外國,香港都有!數碼港飄雪聖誕市集現場會有人造飄雪機不時噴出雪花,單單憑空想像都覺得很浪漫(希望係)。不過地點較遠,較適合港島區的朋友前往。

即睇全文介紹

第 6 站 九龍區最大型戶外聖誕市集 12月3日起

最後介紹的是九龍區最大型的戶外聖誕市集─奧海城聖誕市集。市場舉行期較長,地點就腳,而且有過百個攤檔,要有心理準備人流相當較多。 

詳情: http://hk.ulifestyle.com.hk/activity/detail.html?id=ABJGD1o1BwJZEQNq

即睇全文介紹

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】Louiscocoa鳳梨啤酒口味可可即沖營養代餐奶昔!↓

↓ 首創含微量酒精代餐 / 嚴選高級可可粉 / 加水即沖即飲!↓

↓ 首創含微量酒精代餐 / 嚴選高級可可粉 / 加水即沖即飲!↓

↓【限時搶⚡】位元堂養生花茶系列!↓

↓ 選用優質草本成分!/ 無添加香料同防腐劑!↓

↓ 選用優質草本成分!/ 無添加香料同防腐劑!↓