黃子華《唔黐線 唔正常》棟篤笑 2014

子華尾場感動金句：

「佔中咁多晚，我每晚都預左聽晚無得做，因為每晚都有事發生。我一路講雞蛋高牆，如果一隻雞蛋碎咗，我就無得做。我相信大家都無興趣聽，我亦無興趣講。

所以能夠經過咁多晚，我可以做完，係咩促使我可以做埋今晚？其實，我地香港人真係好愛香港！

發生咗咁多日都無碎過一粒雞蛋，係好唔容易！」

「佢哋係有武器㗎，佢哋係有把遮㗎，你估人人都係黃飛鴻呀？」

「我覺得好驕傲，坦白講，我麻麻地鍾意香港人，但我而家發現原來香港人係有種DNA，係善良、和平、理性嘅！」 

------------------------------------------------- 

一票難求的黃子華《唔黐線 唔正常》於昨晚開騷！幽默抵死的金句旋即引起全城熱話！

香港佔中

一開場，黃子華便笑言：「香港依家中咗毒。」

隨即大談近日社會熱話——佔中：「即係你係佔中，定反佔中，係睇你，視乎香港呢個病有幾重。我聽過一男一女對話係咁嘅:『你想整容呀？整容可能變成毀容呀!』拿，信呢句話嗰個人，可能就係周融喇，唔好亂搞嘢，『毀融』。咁佔中嗰班呢？你聽埋第二句喇:『你想整容呀？整容可能變成毀容呀，不過對你嚟講都冇乜分別啦。』即係香港點解會搞成咁嘅呢各位？」

原來黃子華曾經參與佔旺，見識過現場情況。除了有免費食品、飲品提供，抗爭者更會互相幫助，甚至路不拾遺。他說：「要認清呢個事實。咁點呢？證明咗我哋香港人嘅品質，係真係幾咁勇敢，幾咁和平，幾咁善良。我哋今次證明咗嘅，就係證明咗呢啲嘢！而對我哋嚟講，對我哋下一代嚟講，呢方面已經唔需要再考驗，全世界，我哋自己心中有數。未來嘅考驗，就係我哋嘅智慧。智仁勇，仁勇我哋都兼備，未來嘅考驗，係智慧，OK？」

他亦有談及政府對示威人士的做法：「如果我係政府，好簡單，當你警隊係專業嘅，但係掟催淚彈，佢哋係比較業餘嘅。冇問題0架，等如抗議班人都係業餘，嗰班人唔係專業抗議者嚟0架嘛。所以業餘對業餘，咁咪一齊誤會囉，和氣生財嘛!做到咁高位都唔識講？『係一場誤會!一場誤會!』咁咪搞掂。」

中港關係

黃子華形容中國與香港，猶如婆媳關係：「香港回歸中國，就好似阿媽標個仔參，誰來俾贖金？當時係一個母子關係，當時大家以為係。但係依家已經唔係，變咗係奶奶同新抱嘅關係……依家香港嘅問題，係婆媳糾紛，所謂婆媳糾紛，係一種必然奶嘢嘅關係，係咪？除非你個新抱第一日入門就全心全意同奶奶講:『奶奶，我愛你!』唉呀我講錯，對唔住，講多次，『阿媽，我愛你!』但當然我哋係講唔出啦，仲有啲人話，你俾啲錢佢，叫佢唔好搬嚟一齊住啦。係咪？」

粉絲萬人嗌「回水」，黃子華棟篤笑2014《唔黐線 唔正常》，2014年10月6日至16日紅磡香港體育館舉行！

闊別兩年，自2010年《娛樂圈血肉史2》及2012年棟篤笑《洗燥》讓男神在紅館取得本地棟篤笑空前成功之後，子華再度踏上紅館，舉辦全新棟篤笑《唔黐線 唔正常》。

表演會簡介: 

黃子華（Dayo Wong Tze Wah，1960年9月5日－），香港棟篤笑始祖，演員、節目主持、編劇及創作歌手（哈痞樂隊主音）。黃子華以演出一人在舞臺上講笑話的棟篤笑為人熟悉，參與演出的電視劇數量不多，惟所有曾演出的電視劇中，大部份對白均為自行創作，內容搞笑之餘帶有哲學成份，並諷刺時弊。 

 (節錄自《維基百科》) 

 

 

黐線，個SEAT PLAN黑到咁，真係唔正常！