昂坪纜車 親友半價、小童免費優惠
好多旅遊景點都有年票出售，昂坪360纜車亦不例外，付450元年費就可全年無限次任搭。即日至3月31日，年票會員仲可以半價優惠，帶同最多四位親朋好友搭纜車。平時標準成人纜車票要165元一張，四人半價，數數手指，即可慳330元！
留意，3月13至20日會進行定期維修保養，暫停開放。
而四月適逢有兒童節，昂坪360決定整個月免費招待全港3至11歲小童免費搭纜車，購票時記住出示有效的香港身份證或出世紙；每逢周末及假日，市集更設面部彩繪、花式棉花糖、小丑花式扭氣球及雲朵泡泡工作坊等活動，小朋友可免費參加。
相關連結：
內容標籤
立即登入發表意見
