有得食生蠔同時又做善事?香港喜來登酒店蠔酒吧將於8月29日(星期六)推出「夏日慈善星級開蠔品酒班」,由蠔酒吧總廚「蠔博士」Oscar親身傳授挑選頂尖新鮮生蠔秘笈及開蠔要訣,即開來自法國及美國生蠔試食,仲有得品嚐備受酒友熱奉的矜貴年份香檳Dom Perignon 2005﹑特級香檳Billecart-Salmon Reserve Brut NV及頂級白酒佳釀添!
活動費用將全數撥捐聯合國兒童基金會(UNICEF),為發展中國家兒童提供基礎教育籌款,每位參加者更可獲贈「蠔博士」Oscar 編制之生蠔天書乙本!
有得食即開生蠔,有得飲香檳,仲做埋善事,活動咁有意義,快尐報名參加啦!