二人Pizza餐最抵食！Pizza Hut特價宵夜套餐

Pizza Hut各分店由即日起推出多款宵夜套餐，星期一至四晚上8時30分開始供應，宵夜食品包括意粉、Pizza及甜品等，跟其他時段的Menu差不多，價錢則由$29起，一般比晚市時段平$10-$20。

其實不少香港人都習慣夜食飯，8點半食飯都不算太遲，作為一個精明的消費者，當然等到宵夜時段先開餐，小編計過，宵夜套餐中以二人Pizza餐最抵食，看看《試食報告》吧！

>>>>> 更多期間限定優惠 

近年香港新開了不少Pizza專門店，堂食或外賣都有，Pizza Hut漸漸演變成一間較「貴價」的餐廳，一般晚市套餐由二百幾至四百幾，並且要用指定信用卡先有優惠，實在令不少人卻步。

今次推出宵夜套餐，小編格過價，多款套餐中應以宵夜薄餅二人餐（$108）最抵食，套餐包括餐湯/餐飲兩客及普通批一個，特製餅底配上蕃茄肉丸、雞肉蘑菇或菠蘿肉腸，味道不錯，配料沒有因宵夜時段而偷工減料，兩個女生享用的話份量足夠。

不夠飽的話可再點個意粉/飯宵夜套餐，小編點了一客意式香腸肉粒飯（$54），送餐湯。飯餐+二人薄餅宵夜套餐的價錢也不過是$162，比所包含食品差不多的晚市精選二人餐（$236）平$74，習慣夜食飯的話不妒等到8:30pm過後才點餐吧！

主食以外，Pizza Hut還有供應甜品宵夜套餐，Oreo芭菲配雪糕，再加上一杯凍檸茶也不過是$29！