日本直送！OK便利店有售木村靜岡汽水

由即日起，OK便利店將售賣一系列由日本直送的木村靜岡汽水，和風設計玻璃樽十分吸引，一共有7款口味，包括靜岡縣限定的綠茶可樂、以富士山水製成的富士山汽水、完熟水蜜桃汽水、麝香哈密瓜汽水、葡萄汽水、柑橘汽水及草莓汽水，每支售價$15.9。

小編行過幾間分店，暫時都未出現缺貨情況；木村靜岡汽水樽身精緻，儲物控不禁想儲齊一套，至於味道…小編挑選了3款試味，看看《試味報告》吧！

>>>>> 卡樂B亦即將推出新品「法式焦糖燉蛋味薯片」，想知它的味道嗎？

>>>>> 即看更多限定食品/飲品推廣

1. 靜岡縣限定綠茶可樂

小編本身對「綠茶/抹茶」不太瘋狂，以為可樂加上綠茶味會好伏，點知幾好飲喎，小編1號、2號一致認同似四洲可樂味泡泡樂糖！不過有無綠茶味呢？答案係…無嘅！

2. 完熟水蜜桃汽水

水蜜桃飲品向來靠得住，完熟水蜜桃汽水聞落好香，但飲落味道有落差，似有汽果汁酒！

3. 麝香哈密瓜汽水

評價好壞參半，鍾意食哈密瓜的小編1號覺得味道唔錯，味道幾真；小編2號則覺得這款哈密瓜汽水「勁臭」，淨聞都頂唔順！

同一般汽水一樣，最好雪凍先飲，室溫汽水再加上開樽一段時間唔夠汽，味道會變得似藥水…

>>>>> 返回主頁