加推$80午市任食！中環冰室放題

>> 更多平價任食 

平價放題，味道一定伏？$128晚市放題外，位於中環荷里活道的香江冰室亦推出了$80午市放題，食品及飲品種類超過40款，lunch食足90分鐘，網民大叫抵食！

午市放題供應時間為11:30am-3pm，任食時間為90分鐘；現場所見，大部分食客都是上班族，想知有咩食，睇睇《試食報告》啦！

下頁看：《試食報告》，無限追加西多士、瑞士雞翼！

小編中午12時入座已漸見人龍，建議book位/ 早點去！

任食餐牌上有24款食品，焗飯意飯、湯品點心、小食沙律等冰室經典食品統統都有；以一餐lunch/brunch來說，款式甚多，試齊全部食品都有點難度。

現場發現大部分食客跟小編一樣，encore點了幾遍瑞士汁雞翼、迷你西多士和春卷；小食不頂胃，可留肚試其他食品，味道亦以它們最佳。

瑞士雞翼以外，香江冰室也有供應瑞士雞髀沙律，大大隻！

作為一間fusion冰室，餐廳的任食menu中亦有不少點心，如燒賣、流沙奶黃包、牛肉球等，味道不俗！

中/西湯和雜果特飲的味道其實都不錯，為免成肚水吃不下，還是留待飯後喝吧。

另有焗飯、意粉等主食，相信不少讀者都有一個疑問，「lunch食一客焗飯都飽啦」。

該說冰室有「良心」？不少食品的份量都減少了，雖然沙律得一件吉列豬扒、臘腸蒸雞得一片臘腸感覺上有「少少頹」；不過既然是任食，覺得好食再追加都無問題，反正店員上菜的速度勁快，特別是雞翼、沙律等小食。

$80一頓午餐，抵食與否見人見智，小編個人覺得食品味道比想像中好得多，高於一般平價放題的質素。

>> 返回主頁