港版「宮原眼科」！Spade by Lassana最新雪糕甜品登場

>> 試食報告 

繼早前推出$99兩位用英式下午茶（另看下午茶介紹），被評「抵食」、「好味」後，位於油塘大本型的Spade by Lassana又有新搞作！

Spade by Lassana由1月19日起，將一口氣推出6款全新雪糕窩夫甜品，口味包括「粉紅誘惑」、「宇治和風」、「棉花堡壘」、「奇趣天地」、「朱古力森林」及「雜莓星球」，款款$40，供二人享用份量都綽綽有餘。

用上自家製薄脆窩夫做base，盛載着一大球炒雪糕和其他toppings，睇得之餘味道亦非常好，即睇>>試食報告<<。

愛吃的人總是貪心的，愈多toppings就愈興奮！Spade by Lassana看準了顧客這種心態，讓食客額外自選toppings（如士多啤梨撻、芝士餅、抹茶味KitKat等），每款$3-$8，將雪糕甜品疊到高一高，睇見都開心！

下頁看：試食報告，加咩toppings最合適！

雖然最近天氣轉冷，亦無損小編食雪糕的興致，雪糕嘛，無論是夏天抑或冬天都要食！小編今次分別點選了「粉紅誘惑」和「棉花堡壘」，前者賣相極佳，雪糕上頂着一大件cheesecake，睇見都流口水；而後者就用了市面較少地方供應的homemade香蕉雪糕做base，當然要一試！

先講「粉紅誘惑」，雖然雪糕上頂着一大件芝士餅，味道帶酸的草莓醬牛奶雪糕剛好中和甜膩感，一甜一酸配搭十分聰明，紅白主調亦非常搶眼。

「棉花堡壘」的賣相雖然不及「粉紅誘惑」，但勝在有內涵，Spade by Lassana先將熟透的香蕉打蓉製成雪糕，蕉味因此天然濃郁，再加上金寶碎增添口感，喜歡食蕉的你必定愛上！

雖然每款額外toppings的價錢不貴，小編建議大家加4-5款toppings就好「收手」，尤其是選擇蛋糕、水果撻；配料比雪糕還要重，外賣食的話，一路行一路跌就掃興啦！ 

建議配搭：「粉紅誘惑」+ 士多啤梨撻 + 抹茶味KitKat + 棉花糖 + oreo

追加toppings後，每份雪糕甜品亦只需$50多元，足夠2-3人享用，價格非常親民，下午茶或飯後share，大滿足！

>> 返回主頁