講起「德興」，相信不少人都會聯想到「德興酒家」和「中式任食任飲火鍋」；這老牌火鍋店最近踩過界供應Shabu Shabu，務求吸納更多年青人幫襯。
位於銅鑼灣廣場的德興日式放題鍋分店，日前加推60分鐘/90分鐘午市涮涮鍋套餐，每位收費由$63起，即可享用指定牛肉及黑豚肉一份，以及任食自助bar食品。不愛吃肉類的話，亦可以$52超抵價享用多款任食蔬菜、丸類、麵食以及雪糕等。
由即日起至4月30日，凡惠顧午市涮涮鍋放題之顧客可獲贈一份3件三文魚刺身；喜歡食魚生的話，更可以優惠價每位$25追加任食三文魚，或以$45任食8款刺身，質素非常不俗呢！
另外，午市90分鐘放題亦正推出同行優惠，4人同行1人半價，除開每人最平百元有找，抵食！
試食報告：
食得辣的話，湯底建議可選「辛口和牛地獄湯」；想食到食材的原汁原味，則可選擇昆布湯或壽喜燒。
雖屬午市火鍋放題，自助bar上供應的食品一點也不少，款式多達40種，有多款蔬菜如番茄、生菜、冬瓜、菌類等，另有多款大路食品如芝士腸、魚蛋、蟹柳等以供選擇。任食食品都很新鮮，食得出不是平價貨色，尤其從蟹柳和丸類中可見，並非「啖啖粉」！
至於肉類，牛肉的脂肪分佈頗平均，略嫌有一點兒韌，不過都在可接受的範圍以內，合格有餘！
德興日式放題鍋店跟小編印象中的「德興」大不同，走型格路線，梳化卡位坐得舒服，是一個不錯的聚會地點呢。
下頁看：更多火鍋推介
活動資訊
- 日期2016年1月16日 - 2016年4月30日
- 地址 銅鑼灣駱克道463-483號銅鑼灣廣場2期6樓
- 電話2573-9090
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【免費睇】《香港打卡蛋糕合集》↓
↓50間蛋糕店介紹！附真實食評／選購攻略等↓
