繼推出刺身二段丼後，位於灣仔道的弘日本餐廳又一新搞作，舉行季節限定的「北海道松葉蟹祭」，師傅以蟹的各部分炮製出多款限定美食，如賣相夠「浮誇」的松葉蟹二段丼及燒松葉蟹蓋，另有石鍋飯及其他蟹肉小食，最啱鍾意食蟹的朋友！
松葉蟹二段丼（$288）極具份量，可供兩人享用，上層的蟹蓋，注入蟹粥以蛋黃漿封鎖，以燒烤方法將水份蒸發至蟹粥之凝固，味道鮮甜。
下層為微暖的蟹肉飯，食落啖啖都是松葉蟹肉和蟹籽，兩邊插着8隻蟹腳幾搞鬼；中央部分放有輕輕燒過的帶子，食客可安排師傅將戒指、手鏈等小飾物放於帶子之中，為同行的另一半送上驚喜呢！
另有蟹皇石鍋飯（$128），同樣食到真材實料，蟹膏味道濃郁，口感較濃稠像粥一樣，若飯粒能粒粒分明一點，相信更得人歡心。
蟹雲吞（$68）也是值得一試的小食，表薄餡多粒粒都漲卜卜；喜歡食魚生的話，小編另推薦珍寶紅玫瑰手卷（$128），師傅巧妙地以間八及藍鰭吞拿魚赤身刺身「扮玫瑰花」，手卷內有龍蝦仔沙律和甘香的粒粒三文魚，非常足料！
兩個人share的話，建議一邊撕下紫菜，一邊用匙羹進食，免得食到天一半，地一半…（笑~）
下頁看：更多限定食品
活動資訊
- 日期2016年2月1日 - 2016年3月31日
- 地址 灣仔灣仔道221A地下
- 電話2861-3001
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
