Giordano召集全球設計力量　Designer潮Tee著上身

尖沙咀經常人頭湧湧，有時都想搵個地方舒舒服服欣賞下藝術，順便揀下靚衫都唔容易，依家有個地方可以滿足晒兩個願望，就係Giordano最新嘅POP-UP STORE喇！Giordano現正舉行《International Design Power x Giordano – One World, One Love》企劃，邀請咗10個國際及本港設計，以世界、愛和家出發，設計出多個創意圖案。今次POP-UP STORE就展示出咗設計概念同一系列print tee，等大家可以放慢腳步，細味大師作品。今年夏天想襯返個靚得嚟又有品味嘅look？呢個系列不容錯過！

參與設計師唔少來自法國、美國及瑞典等地，藉設計表達對地球、愛與家嘅關注，包括當代法國最受矚目的全方位設計師Matali Crasset，曾被譽為Philippe Starck嘅接班人嘅佢，風格充滿色彩同童趣，鐘意打破常規，不走尋常之路，但卻相信和諧才能並存。 

Matali Crasset嘅設計展示了群體中人如花束般和諧並存。

來自瑞典嘅BVD係瑞典及斯堪的納維亞首屈一指嘅設計及品牌包裝公司，就連H&M、IKEA、可口可樂都採用過佢地嘅設計。佢地今次為Giordano特別設計「太陽裡的地球」、「地球與心」和「輕鬆愉快的旋轉」3款圖案。

除print tee外，仲有BVD設計嘅限量帆布袋。 

本港從來不缺乏創意，好似喺多個本地及國際賽中屢獲佳績嘅設計師羅曉騰Ken Lo，就以「One Hug」和「Home」為設計理念，用擁抱組成完整嘅「心」同「家」，佢認為唯有拋棄偏見，互相愛護彼此，世界先會更完整。 

Ken Lo設計嘅「One Hug」和「Home」均以擁抱為設計概念，右上為限量版男款TEE 

更多設計師嘅大作，除左POP-UP STORE有得賣外，現正於Giordano香港及澳門全線門市發售，包括男女Tee、童裝及限量帆布袋。

凡購買此系列滿HK$600更可獲贈企劃獨家Postcard禮品套裝，印有設計師圖案嘅Postcard，仲有10款刻有愛和世界字眼嘅彩色衣夾，俾你掛起Postcard，自製藝術園地。禮品先到先得，換完即止。

想欣賞埋其他設計師嘅大作，就去POP-UP STORE或去Giordano Facebook喇！ 

資料由客戶提供