特濃芝味！吉野家推出火山芝士雞鍋

由即日起，吉野家將帶來全新「火山芝士雞鍋（$59.9）」，紐西蘭馬蘇里拉芝士粒粒鋪於面層，加上香濃的美國車打芝士湯，雙重芝味，芝士迷必試！

先將青椒、黃椒和雞件炒熟，放入芝士濃湯之中，上枱後可即時食用，不用加熱。不過，由於面層的「馬蘇里拉芝士山」凍冰冰，未必人人接受，小編就選擇了即時加入雞湯煲滾，芝士溶掉後更香更濃。

由於芝士比較杰身，需辰一邊攪拌，一邊食用，免得「痴底」！

雞件數量剛好，肉質嫩滑，合格有餘；不過青椒的味道頗濃，討厭草青味的朋友可能會受不住。

主食方面可選擇大路的鳥冬、粉絲，另有白飯和公仔麵可供選擇，比平日的一人火鍋多選擇。小編先後試將芝士湯加入鳥冬及飯，鳥冬沒有掛上很多湯汁，有點失色，還是配普通的芝士竹輪鍋較好。

白飯反而靠得！將芝士濃湯倒入白飯當中，當燴飯食用，白飯吸盡湯汁後十分美味，超喜歡芝士的朋友可試將飯統統倒進煲滾的芝士濃湯裡，攪拌約半分鐘後享用，驚喜更大！芝士湯底都幾膩，建議兩人share一鍋，再點其他食品。