正在閱讀
用味蕾賞櫻!期間限定櫻花甜品、海膽飯

用味蕾賞櫻!期間限定櫻花甜品、海膽飯

2016.04.15

三至四月乃櫻花盛開季節,想睇到漫山櫻花的朋友可能要去到日、韓、台,但如果想食到又靚又好味的櫻花食品,留在香港都可以!銅鑼灣樓上餐廳MasterKama乘着這片櫻花熱推出期間限定櫻花menu,完全激發小編的少女心了!即看《試食報告》吧!

 

馬糞海膽茶漬飯(連櫻花糯米紅豆餅、白蘿蔔漬物、一杯京都抹茶)$158

馬糞海膽的份量十足,目測至少半板,味道相當鮮甜,茶漬飯內有超花、紫菜、木魚,吃的時候再灌昆布高湯和加入櫻花漬物,香氣四溢,令人食到停唔到口!之後食埋甜品櫻花糯米紅豆餅,紅豆餅口感軟糯,紅豆蓉味道香甜,實在超滿足!

櫻花蕨餅茶點(包括櫻花蕨餅+櫻花水玄果凍+櫻花雪糕及一杯京都抹茶)$78

這道甜品最吸引眼球之處,莫過於由京都進口的「櫻花水玄果凍」,它似半個粉紅色的水晶球,而一朵真櫻花就置身其中,實在靚到唔忍心食!櫻花本身是一種味道較淡的花類,所以食起來果凍的甜味會略大於櫻花的香味,但整體而言,味道非常清新;櫻花蕨餅是由加入了櫻花味的米糕所做,非常煙韌有咬口,蕨餅微微的米甜配上有果仁香氣的黃豆粉一齊食,實在非常夾;至於櫻花雪糕都有驚喜,它將攪碎了的櫻花混入雪糕之中,能夠吃到一粒粒的櫻花碎,令櫻花獨有的清甜更加突出。

櫻花布丁甜點(包括櫻花布丁+櫻花/抹茶雪糕+三色白玉丸子)$78

櫻花布丁上層是鮮櫻花果凍,下層是櫻花布丁,日本進口的布丁用櫻花和果籽粉做,味道酸酸甜甜,幾開胃;三色白玉丸子配上黃豆粉,食用時再淋上黑糖漿,增加甜度,小編建議不喜歡太甜的朋友直接食就可以。

櫻花奶昔 $58

櫻花奶昔的上層是新鮮忌廉、白朱古力碎及士多啤梨醬,奶昔內有櫻花鹽漬,所以會隱約飲到鹹味,裡面亦櫻花蓉,不過小編就唔多感覺到有櫻花的味道,畢竟相比之下,白朱古力及士多啤梨醬都是濃味的東西,所以會比較搶味,但整體味道和造型都是中上之作。

櫻花金萡清酒 $198/支

這款櫻花金箔清酒的酒精含量為11%,適合凍飲,裡面有一朵綻放的櫻花和一些金箔,單是觀賞度已經滿分,它的味道甜甜酸酸,似果酒的味道,不會太烈,容易入口,相信女生都啱飲。

 

櫻花布丁甜點和櫻花金箔清酒都是期間限定,只供應到到4月尾,而馬糞海膽茶漬飯則每日限量供應,想食的話可以預早book定,大家注意喇!
 
 
>>>> 餐廳資料參見《MasterKama》

活動資訊