以龍蝦包打響名堂的西餐廳MAMA Burger & Lobster，最近推出限定的三款加大碼特飲，將甜品美食及奶昔沙冰完美結合，並以星座為主題，分別有白羊座、金牛座及雙魚座，賣相可愛又吸引，呃like無得輸！
Golden Cow （$98）以金牛座主題，奶昔用了美祿、朱古力醬和牛奶打成，底層加了香滑的朱古力布甸。放上燒棉花糖、自製朱古力軟曲奇和朱古力威化。最後放上朱古力脆米做成的牛牛，加上矜貴的金箔點綴。每口都充滿香濃的朱古力味，分量十足。
Eye Cream （$98）雙魚座主題，湖水綠色的沙冰用了香蕉、抹茶醬和牛奶打成，更有一片片新鮮的香蕉，插滿棉花糖、檸檬味Macaron、雪糕筒和哈哈笑米餅。味道清新，賣相非常可愛。
Shyly Sheep （$98）頂層有忌廉做成的可愛白羊造型，配上粉紅色的紅桑子、芒果、菠蘿乳酪沙冰，更有士多啤梨片及士多啤梨啫喱，口感豐富，味道酸酸甜甜。
三款特飲期間限定供應至6月15日，每日限量8-10杯。
活動資訊
- 日期2016年4月15日 - 2016年6月15日
- 地址 長沙灣昌華街49號昌暉大廈地下6號鋪
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】agnès b. CAFÉ母親節限量朱古力禮盒！↓
↓淡雅紫色包裝︱手造朱古力︱限定淺粉玫瑰花造型↓
↓【限時搶⚡】位元堂凍乾水果脆套裝！↓
↓ 冷凍乾燥技術鎖住濃濃果香！/ 保留營養素及豐富膳食纖維！↓
