提到日本直送蜜瓜芭菲，必定想到日本雪糕店i Cremeria，主打日本時令的水果雪糕芭菲甜品。最近踩過界與時裝品牌MISTO Crossover，推出限定士多啤梨及芒果軟雪糕，及一系列雪糕主題的手袋及飾物。
為配合品牌夏日感覺，雪糕筒特別加上色彩繽紛的彩針朱古力及白朱古力，賣相吸引過人。
淺粉紅色的士多啤梨軟雪糕（$43），用了高知及博多的新鮮士多啤梨榨汁加牛奶做成，配上士多啤梨醬。士多啤梨味香甜清新，雪糕軟滑有奶香。配上白朱古力雪糕筒，口感層次更豐富。（*4月30日於海港城分店供應）
還有芒果軟雪糕（$43），用新鮮芒果做成，配上芒果醬，味道酸酸甜甜，果味突出。加上雪糕筒的彩針朱古力，充滿夏日感覺。（*4月30日於海港城分店供應）
雪糕與MISTO品牌合作推出四款分別軟雪糕、甜筒及雪條造型的手袋，玩味十足。更有吊飾及鑰匙扣等，限定於海港城分店有售。
同場有新出抹茶及日本水果下午茶。京都宇治抹茶輕食（$118），有齊宇治抹茶芝士蛋糕、士多啤梨大福、十勝紅豆及蜜餞栗子，非常滿足。
日本直送水果輕食（$128），有香甜的福岡直送溫室蜜瓜、士多啤梨及奇異果，適合怕肥又愛甜食的女士們。
芭菲當然不缺少，新出有日本蜜瓜芭菲（$83）及草莓芭菲（$88），賣相漂亮精致，底層更有粒粒的芒果，令人吃過不停。
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】美獅鋒味搖滾美食節2024雙人電子門票！↓
↓ 呈獻超過20款特色環球創意料理 / 匯聚多位亞洲人氣歌手！↓
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
