行商場必食！Feast 雞蛋仔甜品限定店登陸太古

由即日起至6月30日，東隅酒店餐廳Feast（Food by EAST）將進駐太古城中心的Beauty Market，開設Pop-up店大賣雞蛋仔雪糕甜品，一共3款，每份$45。

口味包括抹茶青鋒俠（The Green Hornet）、Venchi 朱古力粒粒（The Venchi）及草莓脆脆（The Strawberry Shortcake），雞蛋仔即叫即製暖笠笠，雖然外層不夠脆身，但內裡軟綿綿像雞蛋仔一樣，加分！

港式雞蛋仔上，加入多款配料如忌廉、雪糕及曲奇，份量都幾多，胃口不太大的朋友可以當正餐食。

雞蛋仔以不同口味的粉漿炮製而成，3款口味當中以抹茶的味道最突出，甜中帶點回甘味，與簡單清淡的豆腐雪糕出奇地配合，加上開心果碎增加口感，味道好之餘賣相亦最吸引！

酒店亦與朱古力品牌Venchi合作，推出Pop-up店限定雞蛋仔雪糕甜品，當中用上Venchi朱古力魚子及Venchi榛子朱古力醬，$45值回票價！比起抹茶味，這款朱古力甜品的味道濃郁得多，雪糕亦較為幼滑，口感很rich；若然雪糕上插着的餅乾棒能新鮮香脆一點，更加抵讚。

要數顏色最sharp醒的，非士多味梨味莫屬！忌廉配士多啤梨醬屬經典組合，雞蛋仔的質感跟其餘兩款口味一樣軟綿綿，奈何士多啤梨味很淡，主題未見十分突出。

推廣期至6月底，一份$45比同類食品相宜，行開街經過的話可以一試！

HK 港生活 APP 登場
Android 版：立即下載
IOS 版：立即下載

Follow us:
即like UHK 港生活facebook, 掌握全港最新活動資訊;
Instagram: @ulifestylehk

Like埋 Mall王facebook, 緊貼全港shopping優惠;
Instagram: @mallkinghk