朱古力盛宴！帝景酒店朱古力Choco 下午茶

朱古力迷又有口福啦！位於荃灣的帝景酒店帝景軒，由即日起至7月31日逢星期一至五（公眾假期期除外），特別推出「朱古力Choco 下午茶」，酒店大廚將以不同濃度的朱古力，製作出一系列朱古力美食，賣相很吸引，食得又睇得。

「朱古力Choco 下午茶」提供多款美點，打頭陣有朱古力芒果莎莎青瓜鴨胸反卷，味道清新；黑白朱古力薯條及乳豬朱古力蛋糕，更是創意之作，甜中帶鹹，配搭新穎。

意想不到的朱古力食品，還有朱古力天婦羅炸蝦！

甜品則有朱古力綿花糖圓球，朱古力圓球外殼，食之前澆上熱牛奶，融化後可見朱古力內載滿綿花糖及爆炸糖。

另有士多啤梨朱古力慕絲蛋糕、煙肉芝士朱古力杯、紫薯慕絲黑朱古力、朱古力焦糖燉蛋及朱古力忌廉千層蛋糕，賣相與味道兼備，最啱大家邊食邊打卡呃like！

享用完茶點後，食客們可以將熱牛奶注入濃郁朱古力碎之中，親手調製一杯適合自己口味的朱古力熱飲，為下午茶時光劃上句號。

下午茶供應時間為星期一至五 3:15pm-5:15pm，兩位用收費$258，另收加一，兩位惠顧即可獲贈澳洲天然護膚品牌「Glamourflage潤唇膏」及「Elegant Eliza再生緊緻面膜」，有興趣的話，就記得要預先訂位！