$68甜品任食！工廈抵食下午茶

甜品控有福了！觀塘工廈區的餐廳不時有令人驚喜的大發現，最近西餐廳Go Inside Kitchen於5月推出$68「甜蜜下午茶」任點任食甜品，免收加一，每日限50人，須預早訂位！

下午茶每日有15款甜品，兩個半小時任食，以甜品紙形式柯打，可無限次落單。甜品有齊鮮果撻、法式焦糖燉蛋、3.7牛乳布甸、芝士蛋糕、士多啤梨泡芙等甜品。所有甜品都是迷你大小，一口一個，可以一次試多數款。

人氣的榴槤炸彈，即是炸榴槤糯米糍，即叫即炸，外脆內煙韌。切開有榴槤流心流出來，榴槤味非常突出。

法式焦糖燉蛋都蛋味香濃，加上金黃香脆糖衣，外脆內軟，非常吸引。

熱乎乎的麵包布甸，中間軟綿，入口夠濕潤，帶酒香。

士多啤梨泡芙都有驚喜，酥皮泡芙包着香滑的士多啤梨忌廉，再淋上朱古力及士多啤梨醬，不太甜膩。

另外，有多款芝士蛋糕，如紐約芝士蛋糕、Tiramisu及藍莓芝士蛋糕等，味道都不錯。但黑芝麻豆腐芝士蛋糕則較淡味，口感較乾身。

每次落單大約十分鐘送到，擺盤上都略花心思，每人包一款飲品。整體甜品水平不錯，，$68吃足兩個半小時，難怪吸引不少女生來幫襯，天天爆場。

*「甜蜜下午茶」於星期一至日，3pm-5:30pm供應，免收加一。