愈食愈開胃！涼浸浸冒煙冷麵 VS.溶岩芝士雞

來到夏季，日日都三十多度，連口味都出現了變化，要跟熱辣辣的鍋物和燒烤食品講bye bye！

位於尖沙咀海港城LCX 的韓國餐廳 The Joomak，由即日起推出一系列透心涼食品及飲品，為顧客趕走悶氣。

主打食品有極具視覺效果，冒白煙的4度冷麵！餐廳參考韓國光州一條小村莊食冷麵的方法，從當地進口麵條，製作出攝氏4度的彈牙冷麵，並以大量冰塊保持溫度。

4度冷麵一共有3款，包括素菜（$68）、豚肉（$78）、牛肉口味（$88），配上特製韓式辣醬食用，惹味又開胃！

*建議趁冰塊融化前食用，以免冷麵的麵質受溫度影響

除此以外，The Jookmak 亦推出了冰凍的水果燒酒（$68）和慕絲甜品（$68），燒酒加以新鮮水果（士多啤梨、菠蘿、藍莓）浸製，滲透着淡淡果香，不過略嫌味道不太天然。

相反，同樣冒煙的士多啤梨慕絲甜品則有較大驚喜！Mousse 上鋪滿多片玫瑰花瓣和朱古力，賣相討好之餘，味道亦不錯，不會太甜。

凍冰冰的食品及特飲之外，The Jookmak 亦推出了一系列熱辣辣香脆炸雞，包括有以韓國著名綠茶品牌O’sulloc 綠茶蜜糖炮製而成的綠茶蜜糖炸雞（$128）和柚子炸雞搥（$85）。

兩者味道都帶甜，前者的雞件上面沾滿綠茶粉，帶點甘味，未必人人喜歡；反而柚子炸雞的吸引力更多，酸酸甜甜，很適合夏天食用。

不過要數最吸引的，還是紫菜X溶岩芝士包（$208）！以烤麵包盛載着熱溶芝士，有助保持芝士微暖；店員建議將碟上的多款小食如炸雞、炸韓國年糕、炸魷魚蘸滿芝士，再以紫菜卷起食用，果然美味，紫菜用完後還可以追加呢！