免費拎走宋仲基禮品同機票！旅遊展7大必去著數攤位
國際旅遊展將於6月16日至19日舉行，首兩日為業界日，後兩日為公眾日。小編已經率先入去行一轉，為大家搜羅出7大又玩又食著數攤位。
1. 濟州航空送宋仲基精品 (L101 韓國觀光公社攤位)
提起濟州航空一定諗起柳時鎮大尉！只要Like濟州航空Facebook即可參加抽獎，即有機會得到原子筆、襟章或行李牌，宋太太記得去玩！
2. Korea Plaza自製韓文名postcard (L101韓國觀光公社攤位)
［photo=24801]
想知自己個韓文名點寫就記得去埋Korea Plaza攤位。只要你like KTOHK facebook便可免費獲得印有南山塔或世宗大皇的明信片。你亦可請工作人員把你的名翻譯成韓文，用印章「寫」出你的韓文名！
3. 築地拋彩虹中獎(D131攤位)
「香港築地」未開幕已經於社交網站上洗版，負責單位亦於旅遊展設攤位大送魚生丼及生蠔等超吸引禮品。
詳情另看：香港築地限定優惠 ！魚生丼、生蠔… 5款海鮮率先送
4. HK Express免費撳走機票 (K105攤位)
撳個制就有機票送！ HK Express的攤位設有On Time challenge遊戲，每人可以有一次機會玩，成功撳中10.27秒即可獲單人來回日本或台中等定期航點機票一套及500,000 reward-U積分。獎品相當吸引但要成功確有難度，祝你好運！
5.泰式按摩5分鐘體驗 (G125攤位)
行到攰可以去泰國旅遊局的攤位歎5分鐘泰式按摩，按摩由泰國著名連鎖按摩店Let's Relax提供，按摩員專門按膊頭及頸部，吸引不少人來享用。
6. 鹿兒島磨木魚體驗(C127攤位)
不少日本攤位亦有派禮物，小編覺得鹿兒島攤位的體驗磨木魚片最為特別，磨完可以試食之餘，亦可獲得木魚及知覽茶粉各一包，有得食又得玩！
7. 攪珠贏取箱根一日遊(C111攤位)
運氣好的朋友應該於旅遊展贏得不少獎品。只要like Facebook專頁(WOW JAPAN!玩日本 Club-Tourism Yokoso)即可於攤位參加抽獎，有機會贏取日本梅酒及大獎箱根一日遊，即使未能抽中大獎亦有一份日本零食作安慰獎，一向有運的朋友不妨試試。
另看其他優惠：
>>【限時優惠代碼】U Travel x KLOOK香港國際旅遊展會場優惠 滿HK$1,000即減HK$100
>>【限時優惠代碼】U Travel x KLOOK 5折香港機場快綫車票優惠
活動資訊
- 日期2016年6月18日 - 2016年6月19日
- 地址 香港會議展覽中心Hall 1A
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
港生活人氣好去處
Ian陳卓賢忠粉鑑定所🎤
即刻挑戰🏆！測試您對Ian嘅了解程度🌟
↓【✨ Chill賞親子放電祭🏖️】↓
>各種驚喜禮遇等您發掘🌟<
U GO 本週好去處
