正在閱讀
伏味濃唔濃?連鎖粥店新出龍蝦汁芝士腸粉

伏味濃唔濃?連鎖粥店新出龍蝦汁芝士腸粉

2016.06.01

港人熟悉的連鎖粥店「海皇粥店」,最近搞搞新意思推出3款全新腸粉,每款的配搭都意思不到,當中更加入了西式食材,如香草和芝士。

創意就滿分了,味道又如何呢?試過至知!

小編日前潛入了其中一間分店,一次過試齊3款腸粉,包括「意式香草三色芝士番茄蛋腸粉($20)」、「玉子豆腐蝦米腸粉($20)」和「廣東三色腸粉皇($22)」,腸粉全日供應,早餐時段人流較少,很快就有得食。

率先試伏味似乎比較濃的「意式香草三色芝士番茄蛋腸粉」!跟平日海皇出品的腸粉一樣,腸粉皮雖然夠滑夠薄,但就比較油膩。

未放入口,已嗅到到平時多數在西餐出現的香草味;揭開腸粉皮,可見蕃茄蛋和熱溶了的芝士,少少拉絲效果,可配合龍蝦汁一起食用。

雖然餐牌指腸粉用上3款芝士,包括車打芝士、巴馬臣芝士、馬蘇里拉芝士‬,但味道不突出,加上香草味濃,把芝士的羶味和龍蝦汁的味道都蓋過了。

輪到「玉子豆腐蝦米腸粉」了!玉子豆腐配腸粉,滑鬥滑,不難吃但跟齋腸分別不大,如果玉子豆腐的表面能煎得更香脆,調味重手一點,會比較有驚喜。

最後到「廣東三色腸粉皇」!餡料有叉燒、牛肉、魚片,雖然說不上非常有創意,但味道算是3款中最有穩陣的。

每人接受新食品的程度都有所不同,有人專試新品,有人只愛傳統口味。你又有無意慾試試今次新出的3款腸粉呢?

活動資訊

  • 開放日期 2016年6月14日 起至另行通知為止
  • 地點 海皇粥店分店

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠