伏味濃唔濃？連鎖粥店新出龍蝦汁芝士腸粉

港人熟悉的連鎖粥店「海皇粥店」，最近搞搞新意思推出3款全新腸粉，每款的配搭都意思不到，當中更加入了西式食材，如香草和芝士。

創意就滿分了，味道又如何呢？試過至知！

小編日前潛入了其中一間分店，一次過試齊3款腸粉，包括「意式香草三色芝士番茄蛋腸粉（$20）」、「玉子豆腐蝦米腸粉（$20）」和「廣東三色腸粉皇（$22）」，腸粉全日供應，早餐時段人流較少，很快就有得食。

率先試伏味似乎比較濃的「意式香草三色芝士番茄蛋腸粉」！跟平日海皇出品的腸粉一樣，腸粉皮雖然夠滑夠薄，但就比較油膩。

未放入口，已嗅到到平時多數在西餐出現的香草味；揭開腸粉皮，可見蕃茄蛋和熱溶了的芝士，少少拉絲效果，可配合龍蝦汁一起食用。

雖然餐牌指腸粉用上3款芝士，包括車打芝士、巴馬臣芝士、馬蘇里拉芝士‬，但味道不突出，加上香草味濃，把芝士的羶味和龍蝦汁的味道都蓋過了。

輪到「玉子豆腐蝦米腸粉」了！玉子豆腐配腸粉，滑鬥滑，不難吃但跟齋腸分別不大，如果玉子豆腐的表面能煎得更香脆，調味重手一點，會比較有驚喜。

最後到「廣東三色腸粉皇」！餡料有叉燒、牛肉、魚片，雖然說不上非常有創意，但味道算是3款中最有穩陣的。

每人接受新食品的程度都有所不同，有人專試新品，有人只愛傳統口味。你又有無意慾試試今次新出的3款腸粉呢？