熱愛優質生活

號召大食懶!銅鑼灣加菲貓主題拉麵店

日期: 2016年7月1日 - 9月30日
地點: 銅鑼灣希雲街7號地下      灣仔區
電話: 3110-1860
營業時間: 12nn-10pm

不時都會Crossover卡通人物,位於銅鑼灣希雲街的日式拉麵店「富山麵家」又有新搞作!

由7月1日至9月30日期間,富山麵家將會變身大食懶加菲貓的大本營,食品方面會加插一點加菲裝飾之餘,餐廳亦將推出一系列以加菲和其朋友為主題的限量精品,等Fans 帶它們回家。

推廣期間,富山麵家會跟平日一樣,同時發售5款拉麵,而拉麵就會以特別設計的加菲紅色拉麵碗盛載!

5款口味包括札幌味噌、激辛味噌、白鹽蝦、北海道牛奶,當然不少得餐廳主打的黑醬油湯底,售價由$85起。每碗拉麵均會配上一塊印有加菲和狗仔阿的的圖案,把湯喝完後更會見到碗底有大大個加菲嘜頭,十分可愛。

富山麵家出品的拉麵味道偏濃,當中兩款湯底(白鹽蝦及黑醬油)更加入特製蝦油和魚油,所以油份都較重;夏天想食得清新一點的話,可選擇北海道牛奶湯底,味道跟忌廉湯有點相似。

不吃拉麵的話,也有其他小食和甜品選擇,包括:芝士蟹柳卷($48)、卡通樽仔士多啤梨($18)和Oreo抹茶布甸($18)。蟹柳卷炸得香脆,進食時熱溶芝士緩緩流出,賣相和香氣都十分誘人;奶凍的味道則夠普通,抹茶和Oreo的味道不太合拍,但勝在幾抵食。

Fans 去得拉麵店,應該都想把限量精品帶回家!富山麵家由7月1日起將限量發售「加菲貓的拉麵碗($130)」和「加菲貓Tote Bag($98)」,顧客亦可選擇購買套裝($198)將兩樣產品同時帶回家。

凡購買任何精品,將可獲贈加菲糖果一包。

內容評分
評語