Tomica車迷太幸運了，今個夏天可以到位於尖沙咀新開的Tomica探知館外，還可以行埋沙田TOMICA夏日嘉年華！

沙田一田百貨由6月29日起舉行「TOMICA Summer Gala@一田」，場內佈置成室內嘉年華一樣，節目亦豐富，有工作坊、影相位、試玩區仲有得買紀念品，一家大細都啱。

會場設有免費車迷試玩區，雖然每節限10個名額，但可以免費玩最新TOMICA車仔及玩具玩足20分鐘，都咪話唔吸引。如果係大車迷，仲可以即場購買一架手繪車，即場喺車箱畫上自己喜愛的圖案，再由專人幫手組裝，就可以擁有自己專屬的TOMICA車仔。

場內仲有4個必影點，包括首次亮相的超大型3D迪士尼米奇巨型漢堡包車、3.4米高的巨型T-KUN吹氣公仔、加入咗馬戲團同遊樂園元素的TOMICA及PLARAIL情景同埋超過500款的TOMICA及迪士尼產品系列展覽，小朋友見到一定好開心！

下頁： 彩虹沙池、水中鞦韆！元朗特式遊樂場