味道有無驚喜？期間限定綠茶口味屋仔奶

本地鮮奶品牌十字牌最新推出期間限定綠茶味，由即日起於便利店和超市上架，Circle K、7-Eleven、Aeon、UNY及一田均會發售。

小編行過便利店，見每盒除約$5.6，價錢跟其他口味相約，買得過，事不宜遲，立即試飲！

打開牛奶盒，咦，牛奶呈淡黃色，跟想像中「綠色的綠茶牛奶」有點落差；不過聞落都有陣陣茶香，合格。

據十字牌官方Facebook所講，牛奶中加入真正綠茶粉。

輕輕淺嚐頭一、兩啖，味道與原味牛奶沒有太大分別；慢慢綠茶的甘味滲出來，味道算天然，不過略嫌茶味不夠濃。

可能是帶點茶澀的關係，感覺比一般牛奶清爽解渴，值得一試，但會不會encore呢？喜歡綠茶的朋友可能會。

全脂奶雖然好飲，但認真肥，怕肥的人平時大多會選擇低脂甚至脫脂奶。

新出的綠茶口味正常低脂配方，睇睇脂肪含量，綠茶味比原味低脂奶的脂肪成份還要低，會不會有多個購買理由？ 

小忠告，不要以為它是抹茶Latte。 

圖：FB@十字牌

相關文章：每人$150有找！尖沙咀綠茶自助餐