正在閱讀
荔園玩樂攻略2016 10個代幣點玩最抵?

荔園玩樂攻略2016 10個代幣點玩最抵?

2016.07.29

荔園2016又返嚟喇!今日(7月15日)開幕日兼傳媒預覽日,小編當然要率先入場試玩。今年荔園場地改在亞洲博覽館舉行,需購票進場,成人套票最平都要$140附有10個代幣,到底點樣可以玩盡10個代幣又最抵呢?不妨看看下面的玩樂攻略(成人版),睇完再考慮去唔去!

第一站:充氣大暴走(6個代幣)

其實是一個全長110米的充氣障礙賽,只要身高130cm或以上便可參加。在充氣彈床上需攀爬、奔跑、跨欄等,本來以為很輕鬆,但跑至中途已經輕微出汗,比想像中吃力,6個代幣都抵玩!

 

第二站:碰碰車(4個代幣)

點樣玩就唔多講,但去年成人要6個代幣先玩到,今年4個就玩到,變相減價。

 

玩完10個代幣便要離場?錯,場內有一些免費影相位及活動:

第三站:櫻花場景 (免費)

現場有個妖怪手錶櫻花鎮場景佈置,地下滿佈落櫻,最岩要嚟呃Like!

 

第四站:大舞台 (免費)

不定期有活動進行,小朋友界受歡迎的妖怪手錶亦會在台上舉行見面會及跳舞。

 

第五站:女飛賊蘇飛裝置 (免費)

裝置是香港插畫家林皮筆下的角色,女飛賊蘇飛身邊還有荔園的霓虹燈字牌,不妨入場或離開會場時影張相留念。

 

如果你打算周五至周日中午12時後入場,可獲12個代幣。多2個代幣又可以點玩呢? 睇埋第六及七站喇!

第六站:吸蕉大笨象( 1個代幣)

雖然去年都有得玩,但大象TINO一向是荔園象徵之一,無理由唔探佢。而且1個代幣有2隻蕉,唔計攤位遊戲的話,此遊戲是全場最平!

 

第七站:「就咁」擲階磚 (1個代幣)

攤位遊戲中最抵玩,可擲2次。但獎品只是熊仔,相比其他小露寶、妖怪手錶公仔就略為遜色一點。

會場內有飲食區,慢慢玩都可以玩大半日,至於抵唔抵玩就真係見仁見智喇! 

下頁: 票價+4大全新遊戲推介+必玩xrace

活動資訊

免費登記成為U Lifestyle 會員
即時接收最新資訊並盡享獨家優惠

免費登記成為U Lifestyle 會員
即時接收最新資訊並盡享獨家優惠