伏味濃不濃？759 阿信屋新出叮叮章魚小丸子

759 阿信屋最近新出了一款超方便的微波爐食品—「叮叮章魚小丸子」，一包約有12粒（360g），公價$31.2。

烹調方法簡單，用微波爐加熱便可；先把八爪魚丸放於微波爐適用的器皿上，不用解凍，4粒小丸子約需加熱4分至4分半鐘。

想外層香口一點，包裝袋上亦有油炸方法說明，不過為了幾粒八爪魚丸而開油鑊，未免太「大工程」…

試食時間到！叮熱後的製成品賣相其實不錯，不過用微波爐加熱，大概都能猜得到章魚小丸子的質地是軟身的，意料之內，跟在普通街頭小食店買到的差不多，不過不失。

切開小丸子，可見內有八爪魚粒、蔥、椰菜絲，餡料不算多，但都合格。

至於味道方面，頭一、兩啖還好，味道其實幾香口；可能小編平日食得較清淡，個人覺得愈食愈鹹，有口乾的感覺，要飲大量清水沖淡。

叮叮食品的確夠方便，但味道比起街頭買到的小丸子，味道還有一段距離，不過貪得意的話仍可一試。

*叮叮食品沒有附送日式燒汁、沙律醬、木魚絲和紫菜等調味品，需要的話就要自行額外購買。

圖：FB@759 阿信屋