免費DIY乾花頸鏈!上環夏日田園風下午茶

2016.08.04

放假都會幻想同朋友坐在花園,歎個休閒下午茶享受假日;原來不用跑到戶外,在城市都能有同樣的享受!

位於上環新街市街的Cafe Bauhinia,驟眼看似花店,其實集花藝工作坊和Cafe於一身,供應輕食和下午茶為主。Cafe 的周邊環境寧靜,店內一角放滿花飾擺設,進門被淡淡的花香味包圍,清新舒服。

Cafe 最近推出全新「夏日夢の田園下午茶」,提供共10款鹹點及甜點,另包兩杯特飲。每道都特別的名字,特別為夏天而設,色彩繽紛的食品造型配合田園風的擺設,相當吸睛!

4款鹹點各有特式,包括挪威煙肉三文魚忌廉芝士青瓜牛角包、大蝦配泰式醬、意大利巴馬火腿配青瓜串等。

當中最特別的就是這款「知心戀人」,外表似薯餅,其實是脆炸香濃芝士通心粉,輕咬一口就食到內層軟軟的通心粉,芝士味算不上濃郁,但配上特調他他醬,味道更突出,頗有驚喜。

6款甜點包括朱古力忌廉香蕉杯、芒果藍莓忌廉甜撻、七彩繽紛水果杯等。

小編推薦青檸雪葩,微酸的味道清新開胃,更有果肉粒,正如其名食完「忘不了」,不過雪葩溶化速度很快,盡可能要先吃。

食完甜品是時候飲杯特飲,下午茶包含芒果西瓜冰及藍蝶花青檸特飲,兩者都是適合消暑解渴的夏日飲品。

藍蝶花青檸特飲有不少捧場客,青檸梳打加上食用花藍蝶花後,會變身成紫色,少女們至愛!

「夏日夢の田園下午茶」暫定供應至9月底,兩人份量$468,另收加一;下午茶於每日11:30am-7pm 供應,平日walk in都食得到,但周末不時滿座,最好提早致電預約。

現時店內更推出送DIY 水晶球頸鍊活動,只要享用夏日夢の田園下午茶,再影相up 到Facebook 或Instagram,加上三個指定hashtag 並打卡,再分享給三位好友,即可以免費做一條水晶球頸鍊,有得食又有得玩,周末可以去待足半天!

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶⚡】健之堂袪濕茯苓艾草足貼!↓

↓ 含三大中草本配方!/ 有效祛濕毒袪水腫!↓

↓ 含三大中草本配方!/ 有效祛濕毒袪水腫!↓

↓【出Post賺現金賞】《社群》助您發展創作者事業↓

↓透過發佈帖文賺取收入!立即參加!↓

↓透過發佈帖文賺取收入!立即參加!↓