$88任食意粉、芝士薄餅！銅鑼灣新推意菜放題

放題近年擴展至西餐！

向來主打意式食品的Wildfire，由即日起推出「All You Can Eat 任食優惠」，逢星期一至四的下午茶時段（2:30pm-5:30pm），於銅鑼灣分店可以$88任飲任食，限時1.5小時。（大小同價）

放題將供應多達16款即叫即製美食，當中有薄餅和意大利粉/飯；Wildfire的單點食品每款大概由$60-70起跳，放題時段$88就可以試到多款美食，多幾個朋友去食試得更多，抵！

餐廳供應的Pizza全部即叫即製，由明火烤爐焗製；麵粉方面更選用較貴的「00麵粉」，食落麥味比較重。

10款任點薄餅當中，小編個人覺得「黑白配Pizza」最香、最好味！黑松露配上白蘑菇，菇菌類加上香草的香氣叫人不斷分泌口水，加上薯蓉和芝士，口感軟綿綿，記得留肚Encore！

不喜歡菇菌類食品的話，可點選經典「番茄羅勒水牛芝士薄餅」和「蒜香海蝦帶子薄餅」！前者夠簡單，送啤酒一流；後者則落足料，海蝦新鮮彈牙。

而喜愛食辣的朋友，就可選擇「葡式辣汁雞肉薄餅」，加上大量辣椒，很刺激！

食完Pizza，輪到意粉／飯！種類也不少，一共有6款，如海鮮闊條麵和野菌意大利飯等，每份只有80g，約正常份量的一半，食齊6款無難度！

至於飲品方面，汽水和咖啡等（無酒精類）都供無限添飲；午後想啤一啤的話，亦可另加$28任飲嘉士伯啤酒。 

任食優惠以外，Wildfire 另推出4款夏日雞尾酒特飲（$88杯），各間分店限量供應。調配方法創新，加上倒置的小酒辦讓酒精慢慢滲透於飲品之中，味道冰爽清涼！

*每次上菜只會供應一款薄餅、一份迷你意粉和每人一杯飲品，享用完畢後才會供應下一輪

*另收加一