一年一度的中秋節又嚟，又係時候去PMQ賞花燈！賞花燈同時PMQ即將舉辦日月市集，一連串的品牌攤位為大家帶來各式生活品味用品、家居擺設、服裝配飾產品，現場更設有多個美食攤位，有得食有得玩！

當中部分攤位由明星主理，即刻睇下各個明星有咩賣點啦！

1.黃長興 A la maison XXL Seafood & Grill

主打法式地中海菜，今次市集將有XXL重量級龍蝦包、串燒、墨西哥雞卷及多款冰凍啤酒等供大家選擇。

XXL重量級龍蝦包 $150

2.李璨琛 Boomshack

今次帶來招牌芝士炸雞窩夫、拉差辣椒醬蜜糖雞窩夫、泡菜漢堡及甜蕃薯薯條等，啱哂喜歡香口野的朋友！

是拉差辣椒醬蜜糖雞窩夫 $90

3.蕭正楠 青森料理

將會帶來多款特色日本手卷包括：虎蝦火龍卷、流心芝士蝦丸、珍寶軟殼蟹手卷、四色刺身丼、甘海老刺身等等。

四色刺身丼 $100

4.溫家偉 Stacks Ice Cream

大隻仔將為大家帶來曲奇雪糕三文治及雪糕杯/筒，多款口味及配料任供選擇，行到熱可以消消暑！

雪糕杯/筒 $60 

5.「花曼」王君馨 飾物品牌DearestGrace

DearestGrace是近期人氣急升的王君馨有份創立的香薰飾物品牌，賣點是可將精油或香水融入飾物當中，是次是品牌首次公開參加活動。

【精選文章】橫跨聖誕新年！AIA歐陸嘉年華回歸  

參加者於可以$50換購慈善DIY紙製燈籠乙個，用特色燈籠裝飾貼紙自製獨一無的燈籠應節，而燈籠款項將扣除成本全數捐贈Team UNICEF World Run，實行邊逛市集邊做慈善！

市集內有多個中秋味濃的特色佈置，各樓層亦會掛滿各種特色中式紙製燈籠，適合大家拍照打卡，同時設有多款燈謎遊戲，部份由藝人們親自簽名命題，讓大家玩個夠本。

下頁： 中秋留港節目！全港4大綵燈展