$34追加雪糕放題！油塘平民價西式晚餐

Spade by Lassana 最近提供更多輕盈晚餐選擇，除原有熱賣的「燒牛肉潛艇堡」和「珍寶厚切餐肉蛋牛角包」外，餐廳還新增了兩款慢煮雞胸和BBQ豬肋骨，每款由$48起，價位幾吸引。

Cafe 出品的法式麵包水準一向幾高，特別是超鬆化的牛角包，夾著煎香的特厚午餐肉和炒滑蛋，簡單滋味。

BBQ Ribs也是個不錯的選擇，烤香的豬肋骨以自家製薯蓉墊底，肉汁豐富香口。而雞胸比較起來就可能遜色一點了，雖然已用了慢煮的方法炮製，可能是煮食時間過長的關係，肉質未見軟腍。

各款食品的份量都偏少，女生可能會認為剛足夠，但對於胃口較大的朋友或男生來說，就未必夠食啦~ 

不過好戲在後頭，主食套餐可當作「前奏」，要預留半個胃享用「重頭戲」—雪糕放題！

凡於6pm-10pm期間惠顧以上指定主食套餐，即可追加雪糕放題，同行人數愈多，人均收費愈低，除開每位收費低至$33.75，即可任食一共有10款雪糕。

追加雪糕放題的食客將獲發特定雪糕杯一隻，每人每次限取兩球雪糕，不限口味。（全枱客人須一同惠顧雪糕放題，收費詳見下文）

多款口味之中，除了大路的朱古力和牛奶外，綠茶雪糕應該最受女生歡迎吧；而小編就偏愛紫色的雜莓味，酸酸甜甜像黑加侖子糖。 

店內供應的雪糕全由曾留學法國的老闆親自調配，並於自家工場新鮮製作，平日一杯雙球都賣$30，食3球已極速回本，最啱一班雪糕狂迷去開甜品大餐！

雪糕放題收費：

$40/ 一位

$74/ 兩位

$105/ 三位

$135/ 四位

*星期一至四限時120分鐘

*星期五至日及公眾假期限時90分鐘

*免收加一，不設訂座