近期電影《屍殺列車》掀起一股喪屍熱，剛好今年樂富廣場鬼屋亦加入喪屍元素，玩家有機會親身體會被喪屍追的可怕程度。
鬼屋佈置成喪屍監獄，出發前玩家要換上囚衣影犯人照，再揀埋自己成屍方式才可正式上路，死都有4種方式可以揀，包括：歎死、爽死、冧死或扮死，又幾特別喎！
玩家必需越過重重關卡，包括陰森重犯監房、精神病犯奪命監房、血淋淋飯堂等，一邊行一邊搵逃獄密碼，搵到先可以成功逃獄。搵唔到就要去獨立行刑室，一個人挑戰完四大名屍先可以出返嚟。今年仲新增咗Hologram 3D投影技術同採用人臉檢測科技既「驚魂照屍鏡」，行行下隨時見到女鬼飄浮於空中，驚嚇度大增！
年年樂富鬼屋都大排長龍，唔想等可以於指定領展商場或街市累積消費滿HK$400或以上，就可以換領「喪玩快證套票」一套，包括：「屍囚之路特快門票」2張及「喪玩嘉年華遊戲劵」2張。
下頁： 海洋公園哈囉喂設「16禁」鬼屋 (附試玩報告)
活動資訊
- 日期2016年9月16日 - 2016年10月31日 逢星期五至日、公眾假期及萬聖節當日
- 地址 領展樂富廣場B區露天平台
- 時間4pm-10pm
- 費用免費
」，
App內睇文同睇片可隨時捕捉U Fun彩蛋，
換領現金券及禮品！
↓【送禮】送友邦嘉年華門票連代幣400套！↓
↓【送禮】送友邦嘉年華門票連代幣400套！↓
【免費送💝】ghd限量冰藍美髮造型夾✨
↓一機兩用 雙效熱風造型！↓
