中秋剛過，代表著大閘蟹季正式開始！
繼上年秋天後，I-Crab與銅鑼灣Lockart Bar & Restaurant 今年再接再厲，再度推出燒大閘蟹放題。
放題星期一至日6:30pm 起供應至深夜，任食時間為90分鐘，比往年縮短了，不過今年有專人負責燒蟹，既不用親自動手，又能節省時間食蟹，最啱怕麻煩的朋友。
餐廳選取飽滿肉厚的太湖大閘蟹，每隻3.5両重，Size偏細適個燒烤。
燒大閘蟹以蒜鹽調味，增添BBQ風味，烤香的蟹膏帶點蛋黃的鹹香味，蘸一點蟹醋更可令味道提鮮。
雖然俗語有話「9月乸，10月公」，食完母蟹再食公蟹，不過據負責人所講，燒大閘蟹就有所不同了，燒蟹膏量較穩定的公蟹比較適合。
顧客入座後，會先獲公蟹乸蟹各一隻，之後每輪限點一隻，食蟹速度正正常常的話，限時內可都可享用到6隻。
套餐不但供任食蟹，還包含一盤串燒給牛舌、雞翼、翠肉瓜等，份量按人頭計算，另供無限添飲的果汁和汽水，以及每位一杯薑茶或特飲。
小編推介這杯「子薑荔枝沙冰」，餐廳巧妙地用上酸甜爽脆的子薑，與冰粒混合打碎，再加入荔枝汁，滲透著陣陣果香，清爽好味！不過食完大閘蟹飲凍飲都幾寒涼，身體容易不適的朋友要諗諗。
放題每位收費$338，暫定供應至11月中，座位有限記得提早book位。
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓ 【毛孩請試用】Royal-Pets蘆薈溫和修護沐浴露！↓
↓去除身體污垢，成分溫和無添加！↓
